دبئی پولیس نے 25 سالہ  پاکستانی نوجوان  ڈرائیورکوجنسی ہراسگی کے معاملے میں  گرفتارکرلیا ہے ۔

دبئی پولیس کاکہناہےکہ پاکستانی ڈرائیورنےسیلیکون اوسِس کےعلاقے میں31 سالہ برطانوی خاتون کی بےہوشی کافائدہ اُٹھا کراُس کے ساتھ انتہائی نازیبا حرکات کیں۔

خاتون کی جانب سے رپورٹ درج کروائے جانے کے بعد ملزم کو گرفتار کر لیا گیا ہے۔

برطانوی خاتون نےپولیس کوبتایا کہ رات ساڑھے گیارہ بجےملزم کی ٹیکسی کی پچھلی سیٹ پرسوارہوئی اوراسے اپنی رہائشی بلڈنگ تک پہنچانے کو کہا۔ اسی دوران مجھے نیند آگئی اور میں ٹیکسی میں ہی سو گئی۔

 خاتون کامزیدکہناتھاکہ ملزم نےمیری نیند کافائدہ اٹھاتےہوئےجنسی ہراسگی کانشانہ بنایا۔ اس دوران میری  آنکھ کھل گئی اورمیں نےاُسے(ڈرائیور)کوفوری طورپرپیچھےدھکیلا اورٹیکسی چلانے کوکہا۔

آن لائن ٹیکسی میں’’عورت‘‘محفوظ نہیں

ملزم نے مجھے ایک دومنٹ بعد میری رہائش گاہ پراُتاردیا۔ تاہم میں نے ٹیکسی سے باہر آ کر اس کی نمبر پلیٹ کی تصویر بنا لی اورپولیس کوسارے واقعے کے بارے میں اطلاع کر دی۔

ملزم کے خلاف الرشیدیہ تھانے میں رپورٹ درج کروائی گئی۔

دوسری جانب مقامی میڈیاکاکہنا ہےکہ پاکستانی ڈرائیورنےدورانِ تفتیش خاتون سے جنسی  ہراسگی کااعتراف کرلیاہے۔اس مقدمےکا فیصلہ 13 جنوری 2020ء کوسُنایاجائےگا۔

 جبکہ ملزم مقدمےکےفیصلےتک دبئی پولیس کی حراست میں رہےگا۔ تاہم پولیس کی جانب سے  ٹیکسی ڈرائیوراورمتاثرہ خاتون کانام ظاہرنہیں کیاگیاہے۔