عراق میں امریکی فضائی حملےمیں جاں بحق ہونےوالے قدس فورس کےسربراہ قاسم سلیمانی کی نماز  ِجنازہ تہران میں اداکردی گئی ہے۔

عراق میں امریکی فضائی حملےمیں جاں بحق ہونےوالےجنرل قاسم  سلیمانی کی نمازجنازہ کی امامت  ایران  کےسپریم لیڈرآیت اللہ خامنہ ای نےکی۔ اس موقع پرکئی رقت آمیزمناظردیکھےگئے۔آیت اللہ خامنہ ای سمیت جنازے میں شریک ہرشخص کی آنکھ آشکبار تھی۔

اس موقع پرجنرل سلیمانی کی بیٹی زینب سلیمانی نےامریکہ کومتنبہ کیاکہ امریکاکوقاسم سلیمانی کی موت  کاخمیازہ بھگتناپڑےگا۔

 زینب سلیمانی نےامریکاکومتنبہ کرتےہوئےکہاکہ جنرل  قاسم سلیمانی کی موت امریکا اوراسرائیل کے  لئے’’سیاہ  دن‘‘ کاپیغام لےکرآئی ہے۔

پیر کے روز تہران میں قاسم سلیمانی کے جنازے کے شرکاء سے خطاب کرتے ہوئے زینب سلیمانی نے   ٹرمپ  کو  للکارتےہوئے کہاکہ اے پاگل ٹرمپ ، یہ مت سمجھو کہ میرے والد کی شہادت سے سب کچھ ختم ہو گیاہے۔

زینب نے لبنانی ملیشیا حزب اللہ کے سربراہ حسن نصر اللہ کو سلام پیش کرتے ہوئے اپیل کی ہے کہ سلیمانی کی موت کا انتقام لیاجائے۔ زینب کےمطابق اسے معلوم ہے کہ نصراللہ کی جانب سےسلیمانی کی موت کا انتقام لیا جائے گا۔

بغداد میں جنرل قاسم سلیمانی کی نماز جنازہ ادا

تہران میں نمازجنازہ کےبعدجنرل قاسم کاجسدِخاکی قُم لئےجایاجائےگاجس کے بعدان کی ا ٓخری رسومات    ان کےآبائی گاؤں کرمان  میں منگل کےروزاداکی جائیں گی۔

 اس سے قبل ایران کے صدرحسن روحانی نےقاسم سلیمانی کےاہلخانہ سےملاقات کی ۔ ملاقات میں تعزیت  کےدوران ایرانی صدرکاکہناتھاکہ امریکاکواحساس نہیں ہے کہ اس نےکیاسنگین غلطی کی  ہے  ۔

 ان کامزیدکہناتھاکہ قاسم سلیمانی کے خون کابدلہ اس وقت اترےگاجس دن امریکااس  خطےسےہمیشہ  کےلئےچلاجائےگا۔

 واضح رہےکہ ایرانی  پاسداران انقلاب  کی قدس فورس کےسربراہ جنرل  قاسم سلیمانی جمعےکوبغدادکے  ائیرپورٹ کےقریبی امریکی فضائی حملےمیں جاں بحق ہوگئےتھے۔