بھارت میں انسانی پوجاکاایک اورواقعہ سامنے آگیاہے۔ بھارتی شہریوں نےمسلمان خاتون کی پوجاشروع کردی۔

بھارتی ریاست گجرات کےعلاقے گاندھی نگر کے گاؤں جھلاسن میں مسلمان خاتون کی دیوی کےطورپر پوجاکی جاتی ہے۔

 معروف بھارتی نژاد امریکی خلاف باز سنیتا ولیمزخلامیں جانےسےقبل اپنےوالد کےساتھ ڈولاماں کےمندرپرحاضری دے چکی ہیں۔

ہوا کچھ یوں کہ جھلاسن  کا یہ گاؤں اس وقت شہ سرخیوں کاحصہ بناجب بھارتی نژاد امریکی خلابازسنیتاولیمزاپنےوالدکےساتھ گاؤں میں ڈولاماں نام کی دیوی کے درشنکرنےآئی تھیں۔

بھارتی ریاست کےگاؤں جلاسن سے متصل گاؤں ’’لول‘‘ کے بی جے پی کے مقامی رہنما مکیش پٹیل نے اس بارے میں بتایا کہ’’ ڈولا ماں‘‘ ایک مسلمان خاتون تھیں۔ ایسا ہمارے باپ دادا نےہمیں بتایا تھا۔

ہندو طلبہ کی مسلمان پروفیسر کو برطرف کرنے کے لیے خصوصی پوجا

ڈولا ماں کی کہانی سناتے ہوئے مکیش پٹیل کاکہناتھاکہ جب گاؤں میں لٹیرے آتے تھے اور گاں کو لوٹ کر چلے جاتے تھے توپڑوس کے گاؤ ں سے گزرنے والی ایک مسلمان خاتون نے دیکھا کہ جھلاسن گاؤں میں لوٹ مچی ہوئی تھی ۔ انھوں نےرک کر ڈاکوں کو للکارا اور لڑتے لڑتے جان دے دی۔ آج جہاں مندر ہے وہ وہیں ہلاک ہوئی تھیں۔

 مکیش پٹیل نےمزید بتایا کہ ان کی موت کےبہت برسوں بعدان کےنام پرمندر تعمیر ہوا۔ ہماری ان سے عقیدت ہے۔ وہ ہماری حفاظت بھی کرتی ہیں اور ہماری تکلیفیں بھی دورکرتی ہیں۔

یہ گاؤں گاندھی نگر سے 20 کلومیٹردورہےاوراس کی آبادی پانچ ہزارکےلگ بھگ ہے ۔یہاں 800برس پرانا ڈولا ماں کا مندرواقع ہے۔