بھارتی ریاست اڑیشہ میں مال  گاڑی اورٹرین  کےدرمیان تصادم  میں 5 افرادہلاک اور40زخمی ہوگئے ۔

بھارتی ریاست اڑیشہ کے ضلع کٹک میں جمعرات کی صبح سلاگاؤں کے نزدیک لوک مانیہ تلک ایکسپریس کو پیچھے سے آنے والے ایک مال گاڑی نے ٹکر مار دی جس سے ٹرین کے آٹھ ڈبے پٹری سے اترگئے۔

 حادثےمیں خواتین اور بچوں سمیت 5 افرادہلاک ہوگئے  ہیں ۔ جبکہ حادثہ میں 40 مسافروں کے زخمی ہوگئےہیں،جن میں سے 6 کی حالت نازک بتائی جارہی ہے۔

مشرقی ساحل ریلوے (ای سی او آر ) تعلقات عامہ کے افسر جے پی مشرا نے میڈیا کو بتایا یہ حادثہ سلاگاؤں اور نرگنڈی کے درمیان دھند کی وجہ سے صبح تقریباً 7 بجے پیش آیا۔ مال بردار ٹرین کے گارڈ وین سے ٹکرانے کی وجہ سے لوک مانیہ تلک ایكسپریس كے 8 ڈبے پٹری سے اترگئے۔

ریلوے کے سینئر حکام نے حادثے کی تصدیق کرتے ہوئے کہا کہ حادثے میں کسی بھی مسافرکی جان نہیں گئی اور تمام زخمی مسافروں کو مقامی اسپتال میں داخل کرادیا گیا ہے۔ انهوں نے بتایا کہ جائے وقوعہ پر دھند کی وجہ سے امدادی کاموں میں کافی مشکلات کا سامنا کرنا پڑ رہا ہے۔

 بھارتی میڈیا  کے مطابق بھارت میں تین سال کے دوران 50 ہزار افراد ریلوے ٹریک پر ٹرین کی ٹکر سے جاں بحق ہوئے۔

کانگو میں ٹرین حادثہ 50 افراد ہلاک، متعدد افراد زخمی

بھارتی ریلویز کی جانب سے جاری کردہ اعداد و شمار کے مطابق سال 2015 سے سال 2017 کے درمیان ٹرین حادثات میں تقریباً 50 ہزار افراد کو اپنی جان سے ہاتھ دھونا پڑا۔

 اکتوبر 2019   کو بھارتی شمالی ریاست کے شہر امرتسر میں ہندو فیسٹیول کی تقریب کے دوران ٹرین کی ٹکر سے 61 افراد ہلاک ہوئے تھے۔

 واضح رہےکہ بھارتی ریلوے دنیا کے بڑے ٹرین نیٹ ورک میں سے ایک ہے جہاں روزانہ نو ہزار سے زائد مسافر ٹرینیں چلتی ہیں جن میں تقریباً دوکروڑ 30 لاکھ کے قریب مسافرسفرکرتے ہیں۔