امریکا نےایران کی  دھمکی  پربغداد میں ایک اورفضائی  ایک حملہ کردیا۔ امریکی حملے میں چھ افراد ہلاک اور تین شدید زخمی ہوگئے۔

عراق کے سرکاری ٹی وی کاکہاہے کہ امریکی فضائی حملے میں تین گاڑیوں پر مشتمل قافلے کو شمالی علاقے میں نشانہ بنایا گیا ہے جس کے نتیجے میں گاڑیاں مکمل طور پرتباہ ہوگئیں۔ دوسرے

امریکی حملے میں الخشد الشعبی ملیشیا  کے کمانڈر کو نشانہ بنایا گیا ہے۔

خیال رہے کہ گزشتہ روزعراقی دارالحکومت بغداد کے ایئرپورٹ پر ڈرون حملے میں ایران کے جنرل قاسم سلیمانی سمیت 8 افراد ہلاک ہوگئے تھے۔

ایرانی جنرل قاسم سلیمانی کی ہلاکت کے بعد خطے کے صورتحال انتہائی کشیدہ ہوگئی ہے۔ امریکا نے اپنے شہریوں کو عراق جلد از جلد چھوڑنے کاحکم دیاہے۔

ایران نےجنرل سلیمانی کے قتل کا بدلہ لینے کی دھمکی بھی دی ہےجس کے بعدعراق اور اسرائیل نے اپنی فوجیوں کو الرٹ کردیا ہے۔

ایرانی سپریم لیڈرآیت اللہ خامنہ ای نے کہا ہے کہ جنرل سلیمانی کے قتل نے امریکااوراسرائیل کے خلاف مذاحمت کو مزید دگنا کر دیا ہے۔

امریکی صدر ڈونلڈ ٹرمپ نے کہا ہے کہ جنرل سلیمانی کو مارنے کا مقصد جنگ کا آغاز نہیں بلکہ جنگ کو روکنا ہے،جنرل قاسم سلیمانی امریکی سفارتکاروں پرحملےکی منصوبہ بندی کررہے تھے۔

دوسری جانب عالمی طاقتیں خطے میں بڑھتی ہوئی کشیدگی کو کم کرنے کی کوشش کر رہی ہیں جس میں روس کی جانب سے جاری بیان میں کہا گیا ہے کہ امریکہ کے اس اقدام سے مشرق وسطیٰ میں کشیدگی پروان چڑھے گی۔

 چین کی جانب سےایرانی جنرل قاسم سلیمانی کی ہلاکت پر ردعمل میں کہاگیاہےکہ ہم نےہمیشہ بین الاقوامی تعلقات میں طاقت کے استعمال کی مخالفت کی ہے اور اب بھی سارے معاملے پر نظر رکھے ہوئے ہیں۔

چینی وزارت خارجہ نےایک بیان جاری کرتے ہوئےکہا کہ دونوں فریق خاص طور پر امریکا تحمل کا مظاہرہ کرے تاکہ خطے میں مزید کشیدگی سے بچا جاسکے۔