بھارت میں نوجوان جوڑےنےشادی کی اجازت نہ ملنے پرنہرمیں کودکرخودکشی کرلی۔

تفصیلات کےمطابق بھارتی ریاست گجرات کےشہرمہسانا سے تعلق رکھنے والےنوجوان جوڑے نے ایک دوسرے کی محبت میں گرفتارہوکرشادی کرنےکافیصلہ کیا تووالدین نےاجازت دینےسےانکارکردیا جس سے دلبرداشتہ ہوکر دونوں نے خودکشی کرلی۔

مہسانا فائربریگیڈ کےترجمان نے بتایا کہ بدھ کے روز اہلکاروں نے نہر سے 25 سالہ وشال ٹھاکر اور 23 سالہ پونم ٹھاکر کی لاشیں برآمد کی تھیں۔

حکام کا کہنا تھاکہ دونوں منگل کی صبح سےلاپتہ تھےتاہم ان کی موت کا سوشل میڈیا پر وائرل ہونے والی ویڈیو سے پتہ چلا جو انہوں نے خودکشی کرنےسےقبل بناکرسوشل میڈیاپرشیئرکی تھی۔

نوجوان جوڑے کی ویڈیوسوشل میڈیاپروائرل ہونےکےبعدوالدین نےفوری طورپرفائربریگیڈعملےکومطلع کیاتاکہ دونوں جلدازجلدنہر سے نکالا جاسکے تاہم پھر بھی ایک روز بعد دونوں کی لاشیں برآمد ہوئیں۔

میڈیارپورٹس میں بتایا گیا ہے کہ نہر میں کود کر اپنی زندگیوں کا خاتمہ کرنے والے نوجوا ن   جوڑے کا موبائل فون اور گھڑی جائے حادثے 300 میٹر کی دوری پر ملے تھے۔

اس سےقبل بھی  بھارتی ریاست اترپردیش کے ضلع اوریا میں  محبت میں مبتلا پریمی جوڑے نے راجدھانی ایکسپریس کے آگے کود کر خود کشی کرلی تھی ۔

خود کشی کرنےوالےافراد کی شناخت 35 سالہ دیپا اور 21 سالہ ونے کے نام سے ہوئی تھی۔

 پولیس نےخدشہ ظاہرکیاتھا کہ دونوں ایک دوسرے کے پیار میں مبتلا تھے اورانہوں نے مبینہ طورپرشادی نہ ہوسکنےکےخوف سے خود کشی کی ہے،پولیس نے دونوں کی لاشوں کو پوسٹ مارٹم کیلئے ہسپتال منتقل کردیا ہے