سعودی وزارت صحت نے اعلان کیا ہے کہ سعودی  شہری ٹڈیوں کو کھانے سے گریز کریں کیونکہ ٹڈی دل کے خاتمے کےلیے کیے گئے اسپرے کے باعث یہ زہریلی ہوسکتی ہیں۔

غیر ملکی خبر رساں ادارے کی رپورٹ کے مطابق سعودی عرب میں ٹڈی دل نے مشرقی ریجن کے دمام اور الخبر کے مختلف علاقوں  میں   حملہ  کیا ہے، جہاں لاکھوں کی تعداد میں ٹڈیاں سڑکوں اور مختلف مقامات پر دکھائی دے رہی ہیں۔

وزارت ماحولیات نے ان علاقوں میں رہنے والے لوگوں کو خبردار کرتے ہوئے کہا ہے کہ ٹڈیوں کے خاتمے کے لیے کیے جانے والے سپرے کی وجہ سے ٹڈیوں کو کھانے سے گریز کیا جائے۔ سپرے کے باعث یہ ٹڈیاں زہریلی ہوسکتی ہیں۔

فرق #وزارة_البيئة_والمياه_والزراعة تتابع عن كثب تحركات أسراب الجراد محلياً وإقليميا وتستعد للمكافحة عند جثوم الأسراب في الرياض والقصيم وحائل والمنطقة الشرقية pic.twitter.com/a5KvtM6IOb

Advertisement

— وزارة البيئة والمياه والزراعة (@MEWA_KSA) February 15, 2020

اس حوالے سے  وزارت ماحولیات پانی و زراعت کے ٹوئٹراکاﺅنٹ پر جاری بیان کا حوالہ دیتے ہوئے کہا کہ وزارت نے ٹڈی دل حملوں سے بچنے کے لیے خصوصی مہم جس کا عنوان ’ٹڈی دل سے خاتمے کے لیے ہمارے شریک بنیں‘ شروع کی ہے۔

فصلوں کے دشمن ٹڈی دل کی سندھ بھر میں تباہ کاریاں جاری

اس مہم میں واٹس ایپ نمبر کی سہولت دی گئی ہے جس کے ذریعے کوئی بھی شخص اس مقام کی نشاندہی کرسکتا ہے جہاں ٹڈیوں نے حملہ کیا ہو۔ اس ضمن میں وزارت ماحولیات و پانی و زراعت کا کہنا ہے کہ وہ مناسب اقدامات کررہی ہے۔

واضح رہے کہ وزارت کی جانب سے گذشتہ ماہ ٹڈی دل حملوں کی پیشگی اطلاع دی گئی تھی۔ سعودی وزارت کا کہنا تھا کہ یکم تا پندرہ جنوری تک ایک لاکھ چالیس ہزار سے دو لاکھ 55 ہزار ہیکٹر رقبے پر ٹڈیوں کے خاتمے کے لیے سپرے کیا جاچکا ہے۔

وزارت کا کہنا ہے کہ جنوبی سمت میں چلنے والی ہواﺅں کی وجہ سے ٹڈیوں کا رخ ریاض، قصیم، حائل اور مشرقی ریجن کی جانب ہوسکتا ہے۔