سمندری طوفان’’کیارا‘‘برطانیہ کےمختلف علاقوں میں خوفناک تباہی مچادی ہے نظامِ زندگی مکمل طورپرمفلوج ہوگیاہے۔

 برطانوی میڈیاکےمطابق سمندری طوفان ’کیارا‘ نےبرطانیہ کےمختلف علاقوں میں خوفناک تباہی مچا دی، اونچی لہروں کےسبب کئی ساحلی علاقوں سے لوگوں کواپناگھرچھوڑناپڑاہے، 150 کلومیٹر فی گھنٹہ کی رفتارسےآئی آندھی سےدرخت گرگئے۔

میڈیاذرائع کےمطابق آندھی سے مکانوں، ہوٹلوں کو نقصان پہنچا ہے جبکہ گاڑیوں کو حادثات بھی پیش آئے ہیں، بعض علاقوں کی سڑکوں اورگلیوں میں پانی کھڑاہوگیا۔

طوفان کی وجہ سے مختلف علاقوں میں تیز ہواؤں کےساتھ بارش کا سلسلہ شروع ہوگیاہےجب کہ 200 سے زیادہ پروازیں منسوخ اور سیکڑوں ملتوی کردی گئیں ہیں۔

طوفان کی شدت سےجرمنی اور فرانس میں بھی پروازوں اورٹرینوں کاشیڈول متاثر ہے۔ جبکہ   اس سے قبل دبئی ائیرپورٹ سے بھی یورپ اور برطانیہ کے لیے کئی پروازیں منسوخ کی جاچکی ہیں۔

برطانوی میڈیاکےمطابق محکمہ موسمیات کی جانب سے 214 فلڈوارننگ اور177 الرٹ جاری کیےگئےہیں ۔

خراب موسم کے باعث شمالی انگلینڈ میں 140 سے زائڈ ٹرینیں منسوخ کی گئی ہیں جب کہ ٹرینوں کی رفتارمیں غیرمعمولی کمی کرنے کا حکم جاری کیاگیاہےاورحکام کی جانب سےعوام اپیل کی گئی ہےکہ وہ انتہائی ضرورت پڑنےپرریل کاسفر کریں۔

 طوفان کی وجہ سےکھیلوں کےمقابلےبھی منسوخ کردیےگئےہیں۔ جن میں گھڑسواری کےمقابلے،رگبی میچ،اورفٹبال   کے  مقابلے بھی منسوخ کردئےگئےہیں۔

واضح رہے کہ برطانیہ کا شمال مغربی علاقہ طوفان سے شدید متاثر ہوا ہے، سیلفورڈ، بولٹن، راچڈیل، اولڈہم کے کئی علاقوں میں سڑکیں سیلاب کے باعث بند کردی گئی ہیں جب کہ ایم سکسٹی مڈلٹن جنکشن سیلاب کے باعث ٹریفک کے لیے بند کردیا گیا ہے۔

موسلا دھار بارشوں کے باعث بعض نشیبی علاقوں میں سیلابی صورتحال کا بھی سامنا ہے اور نظام زندگی مفلوج ہوکر رہ گیا ہے جب کہ بہت بڑی آبادی کو بجلی کی عدم فراہمی کے خدشے کا سامناہے۔