حوثی باغیوں کی جانب سےسمندرمیں بچھائی گئی بارودی سرنگ  پھٹنےسے  3 مصری ماہی گیرہلا ک ہوگئے۔

 سعودی میڈیارپورٹس کےمطابق حوثی باغیوں کی جانب سےباب المندب بندرگاہ کےقریب بحیرہ احمر کےجنوب میں سمندرمیں بچھائی گئی بارودی سرنگ کے دھماکےمیں کم سےکم تین مصری ماہی گیر ہلاک ہوگئے۔

 رپورٹ کےمطابق عرب اتحادی فوج نے بھی بحیرہ احمرمیں حوثیوں کی طرف سےبچھائی گئی بارودی سرنگ کےدھماکےمیں تین مصری ماہی گیروں کی ہلاکت کی تصدیق کی ہےجبکہ تین ماہی گیروں کوبچالیاگیاہے۔

عرب اتحادی فوج کے ترجمان کرنل ترکی المالکی نےبتایاکہ بحیرہ احمرمیں حوثیوں کی طرف سےبچھائی گئی بارودی سرنگ کے دھماکے میں ماہی گیروں کی ایک کشتی الٹ گئی تھی جس میں موجودتین ماہی گیرموقع پرہی جاں بحق ہوگئےتھے۔

کرنل المالکی کاکہناتھاکہ کشتی پر چھ ماہی گیر سوار تھے۔ ان میں سے تین کوبچالیا گیا ہے۔

 کرنل الماکی کامزیدکہناتھاکہ حوثی ملیشیا کی بحری بارودی سرنگیں لگانے اور ان کی تعیناتی کا تسلسل ، بحر ہند بحر اور باب المندب آبنائے میں سمندری نیویگیشن اور بین الاقوامی تجارت کے لئے سنگین خطرہ ہے۔

المالکی نےمزیدکہاکہ جنوبی بحیرہ احمراورباب المندب میں حوثیوں کی 137 بارودی سرنگیں ملی ہیں اوراسےتباہ کردیاگیاہے،اور یہ  اتحاد تمام سمندری خطرات کوختم کرنےکےلئےاپنی کوششیں جاری رکھےگا۔