کینیاکےایک پرائمری اسکول میں بھگدڑمچ گئی جس کےنتیجےمیں 14 بچےہلاک اوردرجنوں زخمی ہوگئے ۔

غیر ملکی  خبررساں ادارےکی رپورٹ کے مطابق بھگدڑکاواقعہ کینیا کےٹاؤن کاکامیگا کےاسکول میں اس وقت پیش آیا جب چھٹی کے بعدبچےاسکول سے اپنے گھروں کو جارہے تھے۔

بھگدڑمچنے سے 14 بچے جاں بحق ہوگئے جبکہ 39  شدید زخمی ہوگئے۔جن میں سےبعض کی حالت تشویشناک بتائی جارہی ہے۔

کینیا اسکول حادثےمیں ہلاک  ہونےوالے بچوں کی عمریں 10 سے 12 سال کے درمیان بتائی جارہی ہیں۔

کینیاپولیس نے بھگدڑ کی وجہ جاننے کے لیے تحقیقات شروع کردی، پولیس نے اس حوالے سے اسکول کے اساتذہ اور انتظامیہ سے پوچھ گچھ کی ہے۔

واقعےکی خبر میڈیا پر نشر ہوتے ہی بچوں کے والدین اسکول اور اسپتال پہنچ گئے ہیں۔

کینیا کےوزیر اعظم رائلہ اوڈنگا نےٹوئٹر پیغام میں بچوں کےوالدین سے دکھ کااظہارکیا اورزخمی ہونے والے بچوں کی جلد صحت یابی کے لیے دعا بھی کی۔

My heartfelt condolences to parents that have lost loved ones in the unfortunate and regrettable tragedy at Kakamega Primary School. I wish a quick recovery to the injured children and pray that God grant strength to the affected families.

— Raila Odinga (@RailaOdinga) February 3, 2020

واضح رہےکہ اس سےقبل گزشتہ روز افریقی  ملک  تنزانیہ کےچرچ میں بھگدڑمچنےسے 20 افراد ہلاک ہوگئے تھے  ۔

افریقی ملک تنزانیہ کے ایک گرجا گھر میں مقبول پادری نے شفا پہنچانے والا مقدس تیل کی رونمائی کی، جس کے حصول کے لیے حاضرین میں بھگدڑ مچ گئی تھی   اور اس دوران پاؤں تلے روندے جانے کے باعث 20 افراد ہلاک اور متعدد زخمی ہوگئے تھے۔