تنزانیہ کےگرجا گھر میں مقدس  تیل کے حصول  کے دوران بھگدڑمچنےسے 20  افراد ہلاک اوردرجنوں زخمی ہوگئے۔

غیر ملکی خبررساں ادارےکی رپورٹ  کے مطابق افریقی ملک تنزانیہ کےایک گرجاگھرمیں مقبول پادری نےشفاپہنچانےوالامقدس تیل کی رونمائی کی، جس کےحصول کےلیےحاضرین میں بھگدڑمچ گئی اوراس دوران پاؤں تلےروندےجانےکے باعث 20 افراد ہلاک اور متعدد زخمی ہوگئے۔

رپورٹ  کےمطابق تنزانیہ کےشہرموشی کے گرجاگھرمیں اتوارکی دعاکےخصوصی اہتمام پرمعمول سےزیادہ رش تھا۔

شہریوں میں نہایت مقبول پادری بونی فیس موام پوسا نےاپنے جسم سے مس کیے ہوئے تیل کو ہر طرح کے مریضوں کےلیےشفا قرار دیااوراسےاپنے عقیدت مندوں کودینےکےلیے فرش پرگرادیا۔

سیکڑوں عقیدت مندوں نے خود ساختہ ’مقدس تیل‘ کوچھونےکےلیے دوڑیں لگا دیں اوراس دوران درجنوں لوگ پاؤں تلے کچلے گئے۔

 20 افراد اپنی جان کی بازی ہار گئے جب کہ متعدد زخمی ہوئے  ہیں،زخمیوں میں سےبیشترکی حالت تشویش ناک بتائی جارہی ہے۔

 عینی شاہدکاکہناتھاکہ گرجاگھر میں بھگدڑکےمناظرانتہائی خوفناک تھے،لوگ  تیل کےحصول  کےلئےایک  دوسرے کو دھکےاور  کہنیوں سےکھینچ رہےتھے۔ انہوں نےمزیدکہاکہ ایسالگ رہاتھاکہ پادری نےڈالرز کی برسات  کردی ہو۔

 واقعےکےبعدپولیس نےبونی فیس موام پوساکوگرفتارکرلیا ہے۔پولیس حکام  کاکہنا ہےکہ واقعےکےحوالےسےپوساسےتفتیش کا آغاز کردیاہے۔

 واضح رہےکہ بونی فیس موام پوساخودکوزمین پرخداکانمائندہ قراردیتاہے، اس کے سیکڑوں عقیدت مند ہیں۔

بونی فیس موام پوساکی مقبولیت اپنےخطاب کے دوران مریضوں کوشفادینےکی ’شعبدے بازی‘سےہوئی۔ وہ سیکڑوں افراد کےسامنے مریضوں کو ٹھیک کرنےکادعویٰ کرتاہےاورشفا دینے کی صلاحیت کو روحانی طاقت قرار دیتا ہے۔