ایرانی حکومت نے کورونا وائرس کے خدشات کے پیش نظر 70ہزار قیدیوں کو رہائی  دے دی ہے۔

غیر ملکی خبر رساں ادارے کے مطابق    ایرانی حکومت نے ملک میں کورونا وائرس کے بڑھتے ہوئے کیسز  کے پیش نظر مختلف جیلوں سے 70ہزار قیدیوں کو عارضی رہائی  دے دی۔

قیدیوں کی رہائی کے فیصلے سے متعلق ایران کے چیف جسٹس کا کہنا ہے کہ  بدترین وباء کا مقابلہ کرنے کی کوشش کر رہے ہیں ۔

ایران میں  گذشتہ 24 گھنٹوں میں  کورونا وائرس کے 595 نئے کیسز سامنے آچکے ہیں جبکہ اس مہلک وائرس سے اب تک ہلاکتوں کی تعداد 237 ہوچکی ہے ۔

دوسری جانب  کورونا وائرس کا خطرے  کے پیش نظر ایرانی سپریم لیڈر آیت اللہ علی خامنہ ای   کی ایران کے  فارسی سالِ نو پر تقریر منسوخ کردی گئی۔

کوروناوائرس کاعلاج: ایران میں زہریلی شراب پینےسے 27 افرادچل بسے

سپریم لیڈر کے ترجمان  نے کہا ہے کہ رہبرِ اعلیٰ اس سال تقریب سے خطاب نہیں کریں گے اور وہ مشہد بھی نہیں جائیں گے ۔

واضح رہے کہ کورونا وائرس اس وقت  چین کے علاوہ جنوبی کوریا، اٹلی ،ایران  ، امریکہ ، جاپان  ، متحدہ عرب امارات، سعودی عرب سمیت  108 ممالک میں پہنچ گیا ہے ۔

چین ، یورپی ملک اٹلی  اور جنوبی کوریا کے بعد ایران وہ چوتھا ملک ہے جہاں کورونا وائرس کے مریضوں کی تعداد سب سے زیادہ ہے۔

دنیا بھر میں اس وائرس سے متاثر ہونے والے افراد کی تعداد ایک لاکھ سے بڑھ چکی ہے جبکہ اس وائرس سے اب تک دنیا بھر میں ہلاک ہونے والے افراد کی تعداد4 ہزار سے زیادہ ہے۔