بھارتی حکومت  سیاسی اور فوجی جارحیت کے بعد آبی جارحیت پر اتر آیا۔بھارت نے پاکستان کا پانی روکنے کا فیصلہ کرلیا ہے۔

بھارتی میڈیا کے مطابق بھارتی حکومت دریائے  اوج کے 2 ٹی ایم سے پانی کو روکنے کے لئے منصوبہ بنا رہی ہے اور دسمبر میں پانی پاکستان نہیں آنے  دے گی۔

دریائے اوج کے پانی کومقبوضہ جموں و کشمیرسے روکا جائے گا۔ دریائے اوج سے پانی پاکستان کے دریائے راوی میں گرتا ہے۔

یاد رہے کہ  گذشتہ برس بھارت کے وزیر آبی وسائل نتن گڈکری نے کہا تھا کہ  بھارتی حکومت اتر کھنڈ میں 3 ڈیمز بنانے کی منصوبہ بندی کررہی ہے تاکہ پاکستان کو ملنے والا پانی روکا جاسکے۔

واضح رہے کہ  دوسری جانب بھارتی فوج لائن آف کنٹرول (ایل او سی ) پر سیز فائر معاہدے کی مسلسل خلاف ورزیاں کرتی رہتی ہے۔

گذشتہ ماہ 8 فروری کو بھارتی فوج  نے سیز فائر معاہدے کی خلاف ورزی کرتے ہوئے میر پور آزاد کشمیر ایل او سی کے چری کوٹ سیکٹر پر شہری آبادی کو نشانہ بنایا تھا۔

بھارتی فوج کی  فائرنگ سے عباسپور چفاڑ برموچ  کا رہاِشی میر محمد نامی شہری شہید جبکہ عصمت نامی بچی اور ایک خاتون خدیجہ بیگم زخمی ہوگئی تھیں۔

20 فروری  کو بھارتی فورسز نے ایک مرتبہ پھر ایل اوسی پر سیز فائر کی خلاف ورزی  کرتے ہوئے وادی لیپہ اور کیانی سیکٹر پر بلا اشتعال فائرنگ کی تھی۔

بھارتی فوج کی فائرنگ سے  پاک فوج کا جوان امتیازعلی شہید  ہوگیا تھا۔