لکسمبرگ  شہریوں کوہرقسم کی مفت پبلک ٹرانسپورٹ سروس فراہم کرنےوالادنیا کا پہلا ملک بن گیا ہے۔

غیرملکی خبررساں ادارے کےمطابق لکسمبرگ حکومت نےعوام کیلئے سفری سہولیات بالکل مفت کر دیں، ٹرین میں صرف فرسٹ کلاس مسافروں کو ٹکٹ خریدناہوگا۔

 سٹی کےحکام کاکہناہےکہ اس اقدام کامقصدنہ صرف ملکی سڑکوں اورشاہراہوں پربہت زیادہ رش کم کرناہےبلکہ اس کے ذریعے عام شہریوں کی ذاتی ٹرانسپورٹ مثلاﹰ گاڑیوں وغیرہ کی وجہ سے پیدا ہونے والی ماحولیاتی آلودگی کو بھی کم کیا جا سکے گا۔ اس کے علاوہ اس اقدام سے لکسمبرگ کے ان شہریوں کی بھی بہت مدد ہو جائے گی، جس کی اوسط ماہانہ آمدنی ملکی اوسط سے قدرے کم ہے۔

 اس سےقبل لکسمبرگ میں مسافروں کوعوامی ٹرانسپورٹ پرسفرکیلئے، ہر سال 440 یورو کا پاس خریدناپڑتاتھا۔

لکسمبرگ کی حکومت نےاپنےاس فیصلے پرعمل درآمدکے بعد اب یہ پروگرام بھی بنایا ہے کہ 2018ء سے لے کر 2028ء تک کے دس برسوں کے دوران یہ ملک اپنے ہاں ریلوے نیٹ ورک کو اور بھی ماڈرن اور پرآسائش بنانے کے لیے مجموعی طور پر تقریباﹰ چار بلین یورو خرچ کرے گا۔

واضح رہےکہ کسی ملک کےدارالحکومت میں عام شہریوں کےلیےہر قسم کی ٹرانسپورٹ مفت کردینےکافیصلہ بالٹک کی جمہوریہ ایسٹونیا کا دارالحکومت ٹالین بھی کر چکا ہے۔ لیکن لکسمبرگ اب دنیا کا وہ پہلا اورواحدملک بن گیاہے، جہاں ملک بھرمیں اب ہر قسم کی پبلک ٹرانسپورٹ پر مفت سفر کیا جا سکتا ہے۔