دنیا کی بہترین اور معروف آن لائن کمپنی علی بابا کے مالک جیک ما کی جانب سے ایشیائی ممالک کے لئے ایک بڑا اعلان کیا گیا ہے۔

تفصیلات کے مطابق سماجی رابطے کی ویب سائٹ پر آن لائن کمپنی علی بابا کے مالک و چینی بزنس مین جیک ما نے پڑوسی ممالک کو کورونا وائرس سے نمٹنے کے لیے آلات فوری طور پر فراہم کرنے کا اعلان کیا ہے۔

جیک ما کا اپنی ٹوئٹ میں کہنا تھا کہ وہ فوری طور پر 18 لاکھ ماسک، 2 لاکھ 10 ہزار ٹیسٹ کٹس، 36 ہزار حفاظتی سوٹ کے ساتھ ساتھ وینٹی لیٹرز اور تھرما میٹرز فراہم کریں گے۔

Go Asia! We will donate emergency supplies (1.8M masks, 210K test kits, 36K protective suits, plus ventilators & thermometers) to Afghanistan, Bangladesh, Cambodia, Laos, Maldives, Mongolia, Myanmar, Nepal, Pakistan & Sri Lanka. Delivering fast is not easy, but we'll get it done!

Advertisement

— Jack Ma (@JackMa) March 21, 2020

جیک ما کے مطابق یہ تمام سامان فوری پہنچانا ممکن نہیں لیکن وہ پھر بھی بروقت پہنچانے کی پوری کوشش کریں گے۔

کورونا وائرس: امریکا کا پاکستان کو 1ملین ڈالر دینے کا اعلان

خیال رہے کہ اس سے قبل جیک ما فاؤنڈیشن امریکا کو بھی کورونا وائرس کی تشخیص کے لیے ایک لاکھ کٹس فراہم کرچکی ہے جبکہ اس کے علاوہ یورپی ممالک میں بھی کورونا وائرس سے نمٹنے کا سامان عطیہ کیا گیا ہے۔

 اس سے قبل امریکی معاون نائب وزیر خارجہ ایلس ویلز کا کہنا ہے کہ کوورنا وائرس سے لڑنے کے لئے پاکستان کے ساتھ مل کر کام کررہے ہیں، صحت کے عالمی چیلنجز سے نمٹنے کے لئے پاکستان اور امریکا پارٹنر ہیں۔

وزارت خارجہ کے مطابق پاکستان کو ابتدائی طور 10 لاکھ ڈالر دیے جا رہے ہیں اور یہ رقم یو ایس ایڈ  کے ذریعے پاکستان کو دی جائے گی، فنڈنگ کورونا وائرس کی نگرانی اور تیز ردعمل کے لئے کی گئی ہے۔

انہوں نے کہا کہ پاک امریکا حکومتوں کے اشتراک سے کورونا وائرس سے نمٹنے میں مدد مل رہی ہے۔