چند ہفتوں میں پاکستان میں کورونا دوا کی تیاری شروع ہوجائے گی

ثمرا مظہر

15th May, 2020. 10:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چند ہفتوں میں پاکستان میں کورونا دوا کی تیاری شروع ہوجائے گی

معاونِ خصوصی برائے صحت ڈاکٹر ظفر مرزا نے کہاہے کہ کورونا وائرس کےعلاج کیلئے دوا کی پاکستان میں چند ہفتوں میں تیاری شروع ہو جائے گی۔

تفصیلات کے مطابق اسلام آباد میں پریس کانفرنس کرتے معاونِ خصوصی کا کہناتھا کہ مہلک وائرس کی تاحال کوئی ویکسین نہیں ہے نہ کوئی علاج ابھی دریافت ہوسکا۔

ڈاکٹر ظفر مرزا کا کہناتھا کہ امریکی دوا ساز کمپنی نے دوا بنادی اور ان کا دعویٰ ہے کہ اس کے استعمال سے مہلک بیماری کی شدت میں 30 فیصد کمی واقع ہوئی ہے۔

معاون خصوصی کا کہناتھا کہ وزیرِ اعظم عمران خان امریکی دوا ساز کمپنی کے حکام سے میٹنگ کرچکے ہیں۔ انہوں نےمزید بتایا کہ دنیا بھر میں 5 کمپنیوں کو لائسنس دیا گیا ہے جو یہ دوا بنا سکیں گی اور اس میں پاکستان کی بھی ایک کمپنی شامل ہے۔

ڈاکٹر ظفر مرزا کے مطابق 5 سے 6 ہفتوں میں دوا کی رجسٹریشن کی جائے گی اور 8 ہفتوں کے دوران پیدوار شروع کردی جائے گی۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News

آرٹیکل کا اختتام

اگلی خبر

کورونا وائرس ، ہلاکتوں کی تعداد 3 لاکھ کے قریب پہنچ گئی

سید قاسم رضا

14th May, 2020. 02:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا وائرس ، ہلاکتوں کی تعداد 3 لاکھ کے قریب پہنچ گئی

کورونا وائرس کی تباہ کاریوں میں خطرناک حد تک اضافہ ہوگیا ہے۔دنیا بھر میں کورونا وائرس سے ہونے والی اموات تین لاکھ کے قریب پہنچ گئیں۔

تفصیلات کے مطابق کورونا وائرس کی عالمی وباء دنیا کے 200 سے زائد ممالک میں پھیل چکی ہے جس میں 2،98،322 افراد ہلاک ہوچکے ہیں جبکہ متاثرہ افراد کی تعداد 44 لاکھ 42 ہزار سے تجاوز کر گئی ہے۔

دوسری جانب اس وائرس کو شکست دے کر صحت یاب ہونے والے مریضوں کی تعداد 16 لاکھ 68 ہزار سے زائد ہوگئی ہے۔

اس مہلک وائرس کے سب سے زیادہ مصدقہ مریض امریکہ میں ہیں جہاں 14 لاکھ 30 ہزار سے زائد افراد متاثر ہیں جبکہ مرنے والوں کی تعداد 85 ہزار سے تجاوز کرگئی ہے۔

اسپین میں متاثرہ مریضوں کی تعداد 2 لاکھ 71 ہزار سے تجاوز کرگئی ہے جبکہ 27 ہزار سے زائد افراد لقمہ اجل بن چکے ہیں۔ روس میں 2 لاکھ 52 ہزار سے زائد افراد متاثر جبکہ 2 ہزار 300 سے زائد افراد ہلاک ہوچکے ہیں۔

برطانیہ میں مریضوں کی تعداد 2 لاکھ 29 ہزار سے تجاوز کرگئی ہے جبکہ 33 ہزار سے زائد اموات ہوچکی ہیں۔ اٹلی میں 2لاکھ 22 ہزار سے زائد افراد متاثر جبکہ 31 ہزار سے زائد افراد ہلاک ہوچکے ہیں۔

برازیل میں ایک لاکھ 90 ہزار سے زائد افراد متاثر ہیں جبکہ 13 ہزار 200 سے زائد افراد ہلاک ہوچکے ہیں۔ فرانس میں مریضوں کی تعداد 1 لاکھ 78 ہزار سے تجاوز کرگئی ہے جبکہ اموات 27 ہزار سے تجاوز کر چکی ہیں۔

جرمنی میں متاثرہ مریضوں کی تعداد 1 لاکھ 74 ہزار سے زائد جبکہ ہلاکتوں کی تعداد 7 ہزار 800 سے تجاوز کرگئی ہے۔ ترکی میں متاثرہ مریضوں کی تعداد 1 لاکھ 43 ہزار سے تجاوز کرگئی ہےجبکہ ہلاکتوں کی تعداد 3 ہزار 900 سے تجاوز کرگئی ہے۔

ایران میں مصدقہ مریضوں کی تعداد ایک لاکھ 12 ہزار سے تجاوز کرگئی ہے جبکہ اموات کی تعدا 6 ہزار 700 سے تجاوز کرگئی ہیں۔ چین میں متاثرہ مریضوں کی تعداد 82 ہزار 900 سے تجاوز کرگئی ہے جبکہ 4ہزار 600 سے زائد ہلاکتیں ہوچکی ہیں۔

بھارت میں 78 ہزار سے زائد مریض جبکہ 2 ہزار 500 سے زائد ہلاکتیں ہوچکی ہیں۔ پیرو میں 76 ہزار سے زائد مریض جبکہ 2 ہزار سے زائد ہلاکتیں ہوچکی ہیں۔

کینیڈا میں 72 ہزار سے زائد مریض ہیں جبکہ 5 ہزار 300 سے زائد اموات ہوچکی ہیں۔ بیلجیم میں 53 ہزار 900 سے زائد مصدقہ مریض ہیں جبکہ 8 ہزار 800 سے زائد اموات ہوچکی ہیں۔

سعودی عرب میں مریضوں کی تعداد 44 ہزار 800 سے تجاوز کرگئی ہے جبکہ جبکہ 273 افراد ہلاک ہوچکے ہیں۔ نیدرلینڈز میں 43 ہزار 200 سے زائد افراد متاثر جبکہ ہلاکتوں کی تعداد 5ہزار 500 سے زائد ہو گئی ہے۔