کینیڈا نے ملک میں دہشت گردی کی وجہ بننے والے  ہر قسم کے ہلکے اسلحے  کے استعمال اور اس کی خرید و فروخت پر مکمل پابندی عائد کردی ہے۔

وزیراعظم جسٹن ٹروڈو نے اعلان  کرتے ہوئے کہا ہے کہ قانون فوری طور پر نافذ ہے مگر  تمام لائسنس ہلکے اسلحے ان کی کمپنیوں کو واپس کرنے کے لئے دو سال کی مدت کا طریقہ کار طے ہوگا۔

کنیڈین وزیراعظم جسٹن ٹراڈو  نے اعلان میں کہا کہ کیینڈا کو ان کی ضرورت نہیں ہے۔

کینیڈا اسلحے پر پابندی کے بعد اب لائسنس اسلحہ رکھنے والوں کو اپنے تمام ہتھیار واپس جمع کرانے ہوں گے، آج کے بعد سے نئے اسلحے کی خرید و فروخت ، نقل و حمل پر مکمل پابندی شروع ہوگئی ہے۔

لاک ڈاؤن کے حوالے سے عالمی ادارہ صحت کے ڈاکٹر مائیک ریان کا بیان

یاد رہے کہ کینیڈا میں گزشتہ ماہ دہشت گردی میں انیس کے قریب افراد کو موت کی نیند سلا دیا گیا تھا، حملہ آور نے ہلکے جدید ہتھیاروں سے  نووا اشکاشیا میں شدید خونریزی کی تھی۔

کینیڈا کے وزیراعظم جسٹن ٹروڈو نے اپنے ہتھیار جمع کروانے والوں کے لیے 2 سال تک عام معافی کا اعلان بھی کیا ہے۔

انہوں نے کہا کہ پارلیمنٹ ہتھیار جمع کروانے والوں کو تلافی دینے کے لیے قانون سازی کرے گی۔

خیال رہے کہ کینیڈا کے وزیراعظم کی جانب سے فوجی گریڈ ہتھیار پر فوری طور پر پابندی عائد کرنے کا فیصلہ ایک شخص کی فائرنگ کے نتیجے میں 22 افراد کی ہلاکت کے بعد دو ہفتے کے اندر کیا گیا ہے۔

گزشتہ ماہ کینیڈا کے صوبے نووا اسکوشیا میں مسلح شخص نے فائرنگ سے ابتدائی طور پر 16 افراد ہلاک ہوئے تھے تاہم بعدازاں ہلاک افراد کی تعداد 22 تک پہنچ گئی تھی۔

کینیڈا میں فائرنگ کے بڑے واقعات رونما ہونا غیر معمولی ہے لیکن جسٹن ٹروڈو نے کہا کہ ایسے واقعات اب اکثر پیش آرہے ہیں۔

کینیڈین وزیر اعظم نے کہا کہ ‘آپ کو ہرن کے شکار کے لیے اے آر 15 کی ضرورت نہیں ہے اس لیے ملٹری گریڈ، حملے کے طرز کے ہتھیاروں کی خرید و فروخت، منتقلی، درآمد یا استعمال کی اجازت نہیں ہوگی اور اس کا اطلاق فوری طور پر ہوگا۔’

انہوں نے کہا کہ ‘ان ہتھیاروں کے بنانے کا صرف ایک مقصد تھا اور وہ مقصد یہ تھا کہ کم سے کم وقت میں زیادہ سے زیادہ لوگوں کو مارا جائے۔’