دنیا بھر میں کورونا وائرس سے متاثرہ افراد کی تعداد 57 لاکھ 90 ہزار 103 جبکہ 3 لاکھ 57 ہزار 432 افراد  ہلاک ہو چکے ہیں۔

دنیا بھر میں کورونا وائرس کے 29 لاکھ 35 ہزار 53 مریض اب بھی اسپتالوں اور قرنطینہ مراکز میں زیرِ علاج ہیں، جبکہ 24 لاکھ 97 ہزار 618 مریض صحت یاب ہو چکے ہیں۔

امریکا تاحال کورونا وائرس سے سب سے زیادہ متاثرہ ملک ہے جہاں کورونا وائرس سے اب تک 1 لاکھ 2 ہزار 107 افراد ہلاک  جبکہ اس سے  متاثرہ    افراد  کی   تعداد 17 لاکھ 45 ہزار 803 ہو چکی ہے۔

امریکا کے اسپتالوں اور قرنطینہ مراکز میں 11 لاکھ 53 ہزار 566 کورونا مریض زیرِ علاج ہیں جبکہ 4 لاکھ 90 ہزار 130 کورونا مریض اب تک شفایاب ہو چکے ہیں۔

کورونا وائرس کے مریضوں کی تعداد کے حوالے سے ممالک کی فہرست میں برازیل دوسرے نمبر پر پہنچ گیا ہے جہاں کورونا کے مریضوں کی تعداد 4 لاکھ 14 ہزار 661 تک جا پہنچی ہے جبکہ 25 ہزار 697 زندگی کی  بازی  ہار   چکے ہیں ۔

کورونا وائرس سے روس میں کل اموات 3 ہزار 968 ہو گئیں جبکہ اس کے مریضوں کی تعداد 3 لاکھ 70 ہزار 680 ہو چکی ہے۔

اسپین میں کورونا کے اب تک 2 لاکھ 83 ہزار 849 مصدقہ   کیسز سامنے آئے ہیں جبکہ اس وباء سے27 ہزار 118 اموات  ہو چکی ہیں۔

برطانیہ میں کورونا کے کیسز کی تعداد 2 لاکھ 67 ہزار 240 ہو گئی ہے جبکہ  37 ہزار 460  اموات ہوچکی ہیں۔

اٹلی میں کورونا وائرس کی وباء سے مجموعی اموات 33 ہزار 72 ہو چکی ہیں، جہاں اس وائرس کے اب تک کل کیسز 2 لاکھ 31 ہزار 139 رپورٹ ہوئے ہیں۔

فرانس میں کورونا وائرس کے باعث مجموعی ہلاکتیں 28 ہزار 596 ہوگئیں جبکہ کورونا کیسز 1 لاکھ 82 ہزار 913 ہو گئے۔

جرمنی میں کورونا کے کیسز 1 لاکھ 81 ہزار 895 ہو گئے جبکہ   کُل اموات کی تعداد 8 ہزار 533 ہو گئی  ہے  ۔

ترکی میں کورونا وائرس سے جاں بحق ہونے والوں کی تعداد 4 ہزار 431 ہو گئی جبکہ کورونا کے کل کیسز 1 لاکھ 59 ہزار 797 ہو گئے۔

بھارت میں کورونا وائرس سے 4 ہزار 534 ہلاکتیں ہو چکی ہیں جبکہ اس سے متاثرہ مریضوں کی تعداد 1 لاکھ 58 ہزار 333 ہو گئی۔

چین جہاں دنیا میں کورونا کا پہلا کیس سامنے آیا تھا وہاں کورونا وائرس کے مریضوں کی تعداد 82 ہزار 995 اور اس سے اموات 4 ہزار 634 ہوگئی ہیں۔