امریکی کمیشن برائے مذہبی آزادی میں بھارت نے امریکی کمیشن کے اہلکاروں کی ویزا درخواستیں مسترد کر دیں ہیں۔

بین الاقوامی خبررساں ادارے کے مطابق امریکی کمیشن مذہبی آزادی کا پینل زمینی حقائق جانچنے کیلئے بھارت جانا چاہتا تھا لیکن بھارت نے امریکی کمیشن کی ویزے کے لئے دی جانے والی درخواستیں مسترد کردی ہیں۔

امریکی کمیشن کا ویزے مسترد ہونے کے بعد امریکی محکمہ خارجہ سے رابطہ کرلیا ہے۔

امریکی کمیشن مقبوضہ کشمیر، بھارتی شہروں کا دورہ کرنا چاہتا تھا، کمیشن نے مقبوضہ کشمیر سمیت، دہلی، امرتسردیگر ریاستوں کا دورہ کرنے کی درخواست دی تھی، حقیقت میں امریکی کمیشن مسلمانوں، دلتوں، عیسائیوں پر مظالم کے زمینی حقائق دیکھنا چاہتا تھا۔

بھارتی وزیر خارجہ جے شنکر نے بھارتی پارلیمنٹ کو اسضمن میں خط بھی لکھا ہے اور بتایا ہے کہ امریکی کمیشن کی حالیہ رپورٹ جانبدار اور تعصب پر مبنی ہے اسی لئے مذہبی آزادی کے امریکی کمیشن کی ویزا دینے سے معذرت کر لی ہے کیونکہ بھارت اندرونی معاملات میں بیرونی مداخلت کی اجازت نہیں دے گا۔

دوسری جانب امریکی کمیشن بھارت کو مذہبی آزادی پر تشویشناک ممالک میں شامل کر چکی ہے۔

گزشتہ روز امریکی محکمہ خارجہ کی سالانہ رپورٹ میں بھارت پر تشویش کا اظہار کیا گیا تھا۔

امریکی محکمہ خارجہ نے مقبوضہ کشمیر، بھارت میں مسلمانوں پر مظالم پر تشویش کا اظہار کیا ہے جبکہ گائے کے گوشت پر مسلمانوں کو تشدد کانشانہ بنانے پر تشویش کا اظہار کیا گیا ہے۔

 یاد رہے کہ دو سال قبل بھی بھارت نے امریکی کمیشن کو ویزے جاری کرنے سے انکار کر دیا تھا۔