سعودی عرب ، عراق نے توانائی اور کھیل کے شعبوں میں دوطرفہ سرمایہ کاری کے لیے سمجھوتوں پر دستخط ہوئے کر دئیے ہیں۔

عراق کے وزیرخزانہ علی علاوی کے زیرقیادت اعلیٰ سطح کاوفد اتوارکوسعودی عرب کے سرکاری دورے پر ریاض پہنچے۔

اس موقع پر وفد نے سعودی حکام کے ساتھ دوطرفہ تجارتی اور سیاسی تعلقات کے فروغ کے بارے میں بات چیت کی  جبکہ دونوں ملکوں کے حکام نے مفاہمت کی مختلف یادداشتوں پر دست خط کیے ہیں۔

عراقی وزیراعظم مصطفیٰ الکاظمی بھی آج الریاض پہنچنے والے تھے لیکن خادم الحرمین الشریفین شاہ سلمان بن عبدالعزیز کی اچانک طبیعت ناساز ہونے کے بعد ان کا دورہ منسوخ کردیا گیا ہے۔

یاد رہے کہ سعودی فرمانروا شاہ سلمان بن عبدالعزیز کو طبی معائنے کیلئے اسپتال میں داخل کرلیا گیا ہے۔

سعودی فرمانروا شاہ سلمان بن عبدالعزیز اسپتال میں داخل

شاہی محل سے جاری ہونے والے بیان میں کہا گیا تھا کہ سعودی فرمانروا شاہ سلمان کو طبی معائنے کے لیے کنگ فیصل اسپیشلسٹ اسپتال میں داخل کیا گیا ہے جہاں ڈاکٹرز کی ٹیم فرمانروا کا معائنہ کر رہی ہے۔

واضح رہے کہ سعودی فرماں روا شاہ سلمان بن عبدالعزیز 31 دسمبر 1935 ءکو پیدا ہوئے، وہ 2015 میں سعودی عرب کے بادشاہ بنے تھے، اس سے قبل وہ48 سال تک ریاض کے ڈپٹی گورنر اور گورنر بھی رہے۔

شاہ سلمان بن عبدالعزیز سعودی عرب کے وزیردفاع بھی رہ چکے ہیں ، انہیں 2012ء میں سعودی عرب کے بادشاہ کے طور پر نامزد کیا گیا تھا،2015 میں ان کے بھائی عبداللہ کی موت کے بعد انہیں بادشاہت ملی۔