خانہ کعبہ کا الوداعی طواف ادا کرنے کے بعد حجاج اپنی اپنی قیام گاہ لوٹ گئے ہیں۔

 کورونا سے متاثر ماحول میں تمام تر احتیاطی تقاضوں کو پورا کرتے ہوئے حجاج کرام نے مناسک حج کی ادائیگی کی تکمیل کی۔

آج خانہ کعبہ کا الوداعی طواف کرکے اپنی اپنی قیام گاہوں کی طرف لوٹ گئے۔

 مناسک حج کے آخری مراحل میں حجاج نے تمام احتیاطی تدابیر اور سماجی فاصلے کے نظم کو قائم رکھتے ہوئے کل بروز اتوار تینوں جمرات کی رمی میں پوررے جوش و جذبے کیساتھ حصہ لیا۔

طواف کے بعد مسجد حرام اور مطاف کے صحن کی صفائی

سعودی وزارت صحت کے مطابق حج کے دوران کسی حاجی میں کورونا کی تشخیص نہیں ہوئی ہے۔

یاد رہے کہ اس سے قبل فریضہ حج کی ادائیگی کے دوران طواف افاضہ کے بعد مسجد حرام، صحن مطاف اور مسجد کے بیرونی احاطے کی جراثیم کش مواد سے صفائی اور طہارت کا عمل مکمل کر لیا گیا ہے، جراثیم کوش مواد سے صفائی کا مقصد حجاج اور نمازیوں کو مسجد حرام میں کرونا کی وبا میں تحفظ فراہم کرنا ہے۔

الحرمین الشریفین جنرل پریزی ڈینسی کے چیئرمین ڈاکٹر عبدالرحمان السدیس نے ایک بیان میں‌کہا کہ اللہ کے گھر اور مسجد حرام کو طواف افاضہ کے بعد جراثیم سے پاک کیا گیا ہے۔

الحرمین الشریفین جنرل پریزیڈینسی کے چیئرمین نے کہا کہ اس کام میں مسجد کے صفائی کے ذمہ دار عملے نے غیرمعمولی خدمات انجام دیں اور مسجد کی طہارت کےلیے ماحول دوست اور بہترین معیار کا سینی ٹائزر استعمال کیا گیا۔

ڈاکٹرعبدالرحمان السدیس نے یہ بھی کہا کہ مسجد حرام کو کورونا وبا کی وجہ سے احتیاطا روزانہ 10 بار صاف کیا جاتا ہے۔

الحرمین الشریفین جنرل پریزیڈینسی کے چیئرمین کا کہنا تھا کہ رواں سال ایک ایسے وقت میں فریضہ حج ادا کیا گیا جب پوری دنیا کرونا جیسی متعدد بیماری کی لپیٹ میں‌ ہے، اس وبا کے مزید پھیلائو کو روکنے اور حجاج کرام کو اس بیماری سے محفوظ رکھنے کے لیے ہرممکن حفاطتی انتظامات کیے گئے۔

سعودی عرب:حرم شریف میں طواف کی اجازت دےدی گئی

ڈاکٹرعبدالرحمان السدیس کا یہ بھی کہنا تھا کہ حجاج کی خدمت کرنے والے اداروں میں سیکیورٹی ادارے، وزارت داخلہ، اسٹیٹ سیکیورٹی، محکمہ صحت، ہلال احمر، وزارت حج و عمرہ اور دیگر پیش پیش رہے ۔

الحرمین الشریفین جنرل پریزیڈینسی کے چیئرمین ڈاکٹرعبدالرحمان السدیس کا مزید کہنا تھا کہ اگرچہ رواں سال کرونا کی وجہ سے حجاج کرام کی محدود تعداد کو حج کے لیے منتخب کیا گیا مگر اس موقعے پر حکومت کی طرف سے حجاج کرام کی خدمت میں‌ کوئی کسر باقی نہیں چھوڑی۔