ترک صدر رجب طیب اردوان نے کہا ہے کہ مفادات کا تحفظ اوراپنے حقوق پرکوئی سمجھوتہ نہیں کرینگے۔

تفصیلات کے مطابق ترک صدر رجب طیب اردوان نے اپنے ایک بیان میں کہا کہ ہر کسی کو کہتے ہیں ایسا غلط قدم اٹھانے سے گریز کریں جو تباہی کا سبب بن جائے۔

ترک صدر نے بحیرۂ اسود میں گیس کے وسیع ذخائر دریافت ہونے کے بعد یونان کے ساتھ مشرقی بحیرۂ روم اور بحیرۂ اسود میں سمندری حدود پر پیدا ہونے والی کشیدگی کے تناظر میں بات کرتے ہوئے کہا کہ ترکی کی نظر کسی اور ملک کی سرزمین، خود مختاری اور ان کے مفادات پر نہیں ہے لیکن جو کچھ قانونی طور پر اس کا ہے وہ اس پر کوئی سمجھوتہ نہیں کرے گا۔

رجب طیب اردوان نے کاہ کہ وہ جو بازنطینی ورثے کا حصہ کہلانے کے بھی لائق نہیں وہ آج یورپی ممالک کی مدد سے غیر منصفانہ اور قزاقانہ حرکتیں کر رہے ہیں اور جو ظاہر کرتا ہے کہ انھوں نے تاریخ سے سبق نہیں سیکھا ہے۔

ترک صدر رجب طیب اردوان نے مزید کہا کہ ترکی مشرقی بحیرۂ روم، بحیرۂ ایجیئن اور بحیرۂ اسود میں اپنے مفادات کے تحفظ کے لیے جو کچھ بھی ضروری ہوا کرے گا۔

یاد رہے کہ صدر اردوان نے اعلان کیا تھا کہ بحیرۂ اسود میں اسے 320 بلین کیوبک میٹر گیس کے ذخائر ملے ہیں جبکہ ترک صدر نے یہ تقریر سلجوک سلطان الپ ارسلان کی 1071 میں شمالی ترکی کے موجودہ مقام موس میں جنگ منزکرت میں فتح کی یاد میں ہونے والی تقریب میں کی تھی۔