برج خلیفہ سبز و سفید ہلالی پرچم کی روشنیوں سے جگمگا اٹھا۔

تفصیلات کے مطابق جشن آزادی کی مناسبت سے دبئی میں دنیا کی بلند ترین عمارت برج خلیفہ بھی پاکستانی پرچم کے رنگوں سے رنگ دیا گیا۔

میڈیا رپورٹس کے مطابق آج دنیا کی بلند ترین عمارت پر پاکستانی پرچم کے رنگوں سے جگمگا اٹھی۔

ذرائع کا کہنا ہے کہ جشنِ آزادی کے موقع پر برج خلیفہ پاکستانی جھنڈے کے رنگوں میں رنگ گیا جبکہ سینکڑوں پاکستانی خوبصورت منظر دیکھنے پہنچ گئے۔

14 اگست ۔۔۔۔۔۔ ملک بھر میں آزادی کا جشن

یاد رہے کہ ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

ملک بھر میں یوم آزادی جوش و خروش  سے منایا جارہا ہے، کراچی سے خیبر، مہران سے بولان، پوری قوم ہوگئی یک زبان ہوگئی ہے اور سب کے لبوں پر دل دل پاکستان کی صدائیں، پاکستان زندہ باد۔

یہ دن ہمیں قائداعظم محمد علی جناح ؒ کی ولولہ انگیزقیادت میں اپنے آباﺅ اجداد کی بے شمار قربانیوں کی یاد دلاتا ہے، یہ دن ہمیں کارکنانِ تحریک پاکستان کے نظریات پر قائم رہنے کے عزم کی تجدید اور ان کی جدوجہدکو خراج تحسین پیش کرنے کا موقع فراہم کرتا ہے۔