چینی صدر شی جن پنگ کا دورہ پاکستان ری شیڈول کر دیا گیا۔

چینی سفیر یاؤ جِنگ نے میڈیا سے غیر رسمی گفتگو کرتے ہوئے کہا کہ چینی صدر شی جن پنگ کا دورہ پاکستان ری شیڈول کر دیا گیا ہے۔

چینی صدر شی جن پنگ نے رواں سال پاکستان کا دورہ کرنا تھا جو کورونا وائرس   کے باعث دورہ ری شیڈول کیا گیا ہے۔ دونوں حکومتیں دورے کے تاریخ پر کام کر رہی ہیں،نئی تاریخ کا جلد ہی اعلان کیا جائے گا۔

یاد رہے کہ  وزیراعظم عمران خان نے اپنے دورہ چین کے دوران چینی صدر کو پاکستان کے دورے کی دعوت دی تھی۔

چینی سفیر کا مزیدکہنا تھا کہ   ہماری سیلانی گروپ کے ساتھ اچھی ورکنگ ریلشن شپ ہے۔ ان کے ویلفیئر کے حوالے سے پراجیکٹس کو دیکھ کر متاثر ہوا ہوں۔

یاؤ جِنگ نے کہا کہ  چینی بزنس کمیونٹی پاکستان کے ساتھ مل کر زراعت کے شعبے میں سرمایہ کاری کرنا چاہتی  ہے۔

ان کا کہنا تھا کہ  چینی حکومت سی پیک کے حوالے سے مطمئن ہے۔ دونوں حکومتیں سی پیک کے درپیش خطرات کے حوالے سے آگاہ ہیں۔

چینی سفیر نے کہا کہ   پاکستان اور چین دونوں مل کر ان خطرات کو شکست دیں گے۔ ہم اپنے دشمنوں کو اپنے مذموم عزائم میں کامیاب نہیں ہونے دیں گے۔

یاؤ جنگ نے کہا کہ  دونوں اطراف سے کورونا وائرس کے چیلنجز کے باوجود سی پیک پراجیکٹ جاری ہے۔ دونوں ممالک کی جانب سے سے چیلنجز سے نمٹنے کے لیے اقدامات قابل ستائش ہیں۔