جنوبی بھارت اور سری لنکا میں شدید بارشوں کے سبب 41 افراد جاں بحق ہوگئے۔
غیر ملکی خبر رساں ادارے کے مطابق شدید بارشوں کے نتیجے میں سری لنکا میں 25 افراد جان سے ہاتھ دھو بیٹھے جن میں سے زیادہ تر ڈوب کر ہلاک ہوئے جبکہ تودے گرنے سے پانچ افراد زخمی بھی ہوئے۔
بھارتی ریاست تامل ناڈو میں بھی شدید بارشوں کے باعث 16 افراد ہلاک ہوگئے۔
بھارتی محکمہ موسمیات نے متاثرہ علاقوں میں ہلکی سے درمیانی مزید بارش کی پیشگوئی کی ہے جس کے سبب نشیبی علاقوں میں سیلاب کا خدشہ ہے۔
ریاستی دارالحکومت چنئی کے کئی حصوں میں کمر تک پانی بھر گیا تھا جسے حکام کی جانب سے پمپس کے ذریعے سے نکالاگیا۔
حکام کا کہنا ہے کہ نشیبی علاقوں میں رہنے والے ہزاروں مکینوں کو محفوظ مقام پر منتقل کردیا گیا ہے۔ تامل ناڈو کے کئی اسکول اور کالجز بند رہیں گے جبکہ کچھ ٹرین سروسز بھی معطل رہیں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News