وائٹ ہاوس نے امریکی نائب صدرکمالا ہیرس کو ’اہم ساتھی‘ قرار دیتے ہوئے صدر بائیڈن اور ان کے درمیان کسی بھی قسم کے تنازع کی افواہیں ہوا یں اڑادیں۔
پریس سیکریٹری جین ساکی نے رپورٹرز کو بتایا کہ صدر نے نائب صدر کو اپنے ساتھی کے طور پر چنا کیوں کہ انہیں لگتا تھا کہ وہ ایک ایسی شخصیت ہیں جِسے آپ ملک چلانے کےلئے اپنے ساتھ چاہتے ہوں۔
واضح رہے امریکی نیوز چینل CNN نے اپنی ایک رپورٹ میں دعویٰ کیا تھا کہ وائٹ ہاؤس میں امریکی صدر جو بائیڈن اور ان کی خاتون نائب کمالا ہیرس کی ٹیموں کے بیچ سخت تنازع چل رہا ہے۔
رپورٹ میں انکشاف کیا گیا تھا کہ بائیڈن اور ان کی ٹیم کمالا ہیرس کی کارکردگی سے بری طرح مایوس ہوئے ہیں۔ یہاں تک کہ خاتون نائب صدر پر عدم وفاداری کا الزام عائد کرتے ہوئے کہا گیا ہے کہ کمالا نے بائیڈن کی حمایت کے مقابلے میں خود کو صدارتی امیدوار کے طور پر نامزد کرنے کو بہتر جانا تھا۔
چینل نے اپنی رپورٹ میں کہا کہ دونوں جانب غصے کی آگ بھڑک رہی ہے اور ہر فریق دوسرے پر الزام تراشی کر رہا ہے۔
سی این این سے بات چیت کرنے والے 30 کے قریب امریکی حالیہ اور سابقہ ذمے داران کا کہنا تھا کہ وائٹ ہاؤس کےا ندر صورت حال پیچیدہ ہے۔ خاتون نائب صدر کے حلقے کے بہت سے لوگ کمالا ہیرس کو کمزور کرنے کی کوشش پر چراغ پا ہیں۔
کمالا ہیرس نے اپنی کئی قریبی شخصیات کو آگاہ کیا کہ وہ سیاسی طور پر مقید ہیں۔
کمالا ہیرس کو اس حد تک کمزور پوزیشن میں دیکھا جا رہا ہے کہ واشنگٹن کے اندر اور باہر سینئر ڈیموکریٹس نے خفیہ طور سے باتیں شروع کر دی ہیں۔ یہ لوگ ایک دوسرے سے پوچھ رہے ہیں کہ وائٹ ہاؤس نے خاتون نائب صدر کو اس بات کا موقع کیوں دیا کہ وہ منظر عام سے انتہائی حد تک غائب ہو جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News