امریکا کا سعودی عرب کو جدید میزائل فروخت کرنے کا اعلان

سید قاسم رضا

05th Nov, 2021. 07:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا کا سعودی عرب کو جدید میزائل فروخت کرنے کا اعلان

امریکی محکمہ خارجہ نے سعودی عرب کو 650 ملین ڈالر مالیت کے فضا سے فضا میں مار کرنے والے جدید میزائلوں کی فروخت کی منظوری دینے کا اعلان کیا ہے ۔

محکمہ خارجہ نے کہا ہےکہ اس منظوری سے سعودی عرب درمیانے فاصلے تک مار کرنے والے 280 جدید ’ایم -120 سی‘ میزائل اور اس سے متعلقہ آلات خریدسکے گا۔

امریکی محکمہ خارجہ کے جاری بیان میں مزید کہا گیا ہے کہ میزائل کی فروخت کا فیصلہ سعودی عرب کو ڈرون حملوں سے بچاؤ میں مدد فراہم کرنے کے لیے کیا گیا ہے۔

محکمہ خارجہ کے ترجمان کا کہنا ہے کہ سعودی عرب پہلے ہی میزائلوں کے استعمال سے ڈرون حملوں کو روکنے میں کامیاب ہوچکا ہے جوکہ امریکی اور سعودی دونوں افواج کے لیے ہی خطرناک ہیں۔

ترجمان نے کہا کہ گزشتہ سال سعودی عرب کے خلاف سرحد پار حملوں میں اضافہ دیکھا گیا ہے۔

محکمہ خارجہ کے ترجمان نے زور دے کر کہا ہے کہ یہ میزائل زمینی اہداف کے خلاف استعمال نہیں کیے جا سکتے۔

واضح رہے کہ یہ فروخت ایسے وقت میں ہوئی ہے جب امریکی صدر جو بائیڈن کی انتظامیہ حوثیوں کے خلاف سعودیوں کی حمایت کے لیے محتاط رویہ اپناتی ہے۔