میٹا (سابقہ فیس بک ) کمپنی کے بانی مارک زکربرگ اور ان کی اہلیہ نے ہوائی کے جزیرے کوائی پر تقریباً 600 ایکڑ زمین 53 ملین ڈالر میں خرید لی ہے۔
ریکارڈ سے پتہ چلتا ہے کہ میٹا (سابقہ فیس بک )کے بانی اور ان کی اہلیہ نے تین الگ الگ لین دین میں زمین کا ایک حصہ خریدا ہے جو ایک مقامی تحفظاتی تنظیم’وائیولی کارپوریشن ‘کی ملکیت تھی اور گارڈن آئی لینڈ کے شمال مشرقی حصے میں واقع ہے ۔
یہ زمین لیپیولی ایل ایل سی کے ذریعے خریدی گئی ہے جو ڈیلاویئر میں رجسٹرڈ ہے ۔ یہ کمپنی کوآئکونک کیپیٹل کے زیر کنٹرول ایک سرمایہ کاری فرم ہے جو ٹیک ایگزیکٹوز بشمول مارک زکربرگ کو مشورہ دینے میں مہارت رکھتی ہے۔
امریکی اخبار کی ایک رپورٹ کے مطابق اس زمین کی خریداری کے بعد میٹا (سابقہ فیس بک ) کے بانی اور ان کی اہلیہ اب ہوائی جزیرے پر 1300 ایکڑ سے زیادہ زمین کے مالک بن گئے ہیں۔
اخبار نے دعویٰ کیا تھا کہ 117 ارب ڈالر (فوربس کی رپورٹ کے مطابق) کے مالک مارک زکر برگ اور ان کی اہلیہ نے 2014 میں ہوائی جزیرے پر 700 ایکڑ زمین 100 ملین ڈالر میں خریدی تھی۔
ان کی خریدی گئی جائداد کا کچھ حصہ کولیانہ زمینوں کے حقوق سے متعلق جھگڑے کا حصہ ہے جو کہ 1800 کی دہائی کے وسط میں ہوائی کے مقامی خاندانوں کو دی گئی تھی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News