دنیا بھر میں اسلاموفوبیا کا بڑھتا رجحان کسی طور تھمنے کا نام نہیں لے رہا۔ بڑے بڑے ترقی یافتہ ممالک کے تعلیم یافتہ اور پروفیشنلز بھی نفرت کی اِس لہر سے محفوظ نہیں رہے۔

کینیڈا میں کینیڈین میڈیکل ایسوسی ایشن کے جرنل (سی ایم اے جے) میں مسلمان خواتین کے حجاب کو کڑی تنقید کا نشانہ بنا دیا گیا۔

شدید ردعمل سامنے آنے پر مضمون کے آن لائن ورژن کو کینیڈین میڈیکل ایسوسی ایشن جرنل کی ویب سائٹ سے ہٹا کر ایک بیان جاری کیا گیا ہے جس میں تسلیم کیا گیا کہ مضمون کا ادارتی عمل غلط اور متعصب تھا۔ جرنل انتظامیہ نے قارئین اور ملک میں بسنے والے مسلمانوں سے معافی طلب کی ہے۔

CMAJ is formally retracting the letter by Dr. Emil, which did not contain appropriate subject matter for publication by the CMAJ.

Read the full statement from @KirstyPatrick, interim editor-in-chief, CMAJ: https://t.co/EBVTaSenXb pic.twitter.com/t9eH6NL2Jv

— CMAJ (@CMAJ) December 23, 2021

کینیڈین میڈیکل ایسوسی ایشن جرنل کے گزشتہ شمارے میں پیڈیا ٹرک سرجن ڈاکٹر شیرف ایمل نے اپنی تحریر میں جرنل کے سرورق پہ شائع ایک بچی کی حجاب میں تصویر پر تنقید کرتے ہوئے اُسے گمراہ کُن قرار دیا تھا اور کہا تھا کہ ہیڈ اسکارف (حجاب) بچوں کے ساتھ زبردستیوں اور بد سلوکیوں کا ذریعہ ہے۔

نیشنل کونسل آف کینیڈین مسلمز، کینیڈین مسلم ایڈوائزری کونسل اور کینیڈین مسلم میڈیکل ایسوسی ایشن سمیت کچھ غیر سرکاری تنظیموں نے بھی اس مضمون کو اسلامو فوبک ہونے پر تنقید کا نشانہ بنایا اور کینیڈین میڈیکل ایسوسی ایشن جرنل پر زور دیا کہ وہ اس  تکلیف دہ مواد کو فوری طور پر ہٹائے۔

کینیڈین میڈیکل ایسوسی ایشن جرنل کی چیف ایڈیٹر ڈاکٹر کرسٹن پیٹرک نے کہا کہ مضمون کی اشاعت کے بعد انہیں بہت سے اداروں اور افراد کی جانب سے ردعمل کا سامنا کرنا پڑا جس پر اُنہوں نے مضمون کو واپس لینے کا اعلان کرتے ہوئے معافی بھی مانگی۔

I take full responsibility for publication of this letter. I am sorry for the harm that it has caused. I was moved to publish it following a call with Muslim women physicians who objected to an image CMAJ had used that evoked their trauma of being forced to cover up as children. https://t.co/BTmLVw3ccD

— Kirsten Patrick (@KirstyPatrick) December 21, 2021

ڈاکٹر کرسٹن کا کہنا تھا کہ کینڈین مسلمان طبقے کی اکیڈمی میں عدم نمائندگی ایک کمی تھی جس کا حل تلاش کرنے کی ضرورت ہے۔ وہ اِس مضمون سے اپنے ہم منصبوں اور طلبا و طالبات سمیت متعدد افراد کے جذبات مجروح ہونے پر دلی طور پر معذرت خواہ ہیں اور اِس غلطی کی تمام تر ذمہ داری قبول کرتی ہیں۔