آسٹریلیا میں جمپنگ کیسل نے 4 بچوں کی جان لے لی

ویب ڈیسک

16th Dec, 2021. 11:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا میں جمپنگ کیسل نے 4 بچوں کی جان لے لی

آسٹریلیا میں جمپنگ کیسل (جھولے) سے گر کر 4 بچے ہلاک جب کہ 5 زخمی ہوگئے۔

برطانوی نیوز ایجنسی کے مطابق آسٹریلیا کے شہر ڈیونپورٹ کے ایک پرئمری اسکول میں بچوں کے لیے تفریحی سرگرمیوں کا انعقاد کیا گیا تھا، اس سلسلے میں کئی جھولے نصب کئے گئے، جن میں سے ایک جمپنگ کیسل بھی تھا۔

بچوں کی ایک بڑی تعداد جمپنگ کیسل سے لطف اندوز ہورہی تھی کہ اس دوران ہوا کے تیز جھونکا آیا، جس کی وجہ سے کئی بچے اپنا توازن برقرار نہ رکھ سکے اور جھولے سے نیچے گر پڑے۔

ڈیونپورٹ کی پولیس نے واقعے میں 4 بچوں کی ہلاکت اور 5 کے زخمی ہونے کی تصدیق کی ہے۔

مقامی انتطامیہ کا کہنا تھا کہ جمپنگ کیسل کی زمین سے اونچائی 10 میٹر سے زائد تھی ، جس کی وجہ سے جانی نقصان زیادہ ہوا۔

آسٹریلیا کے وزیر اعظم اسکاٹ موریسن نے بچوں کی ہلاکت کو دل دہلا دینے والا اندوہناک واقعہ قرار دیا ہے۔ انہوں نے کہا کہ بچوں کے لئے تفریح سے بھرپور دن کس طرح ایک سانحے میں بدل جاتا ہے، اس طرح کے واقعات انسان کا دل توڑ دیتے ہیں۔

واضح رہے کہ دنیا بھر میں جھولوں سے گر کر حادثات ہوتے رہتے ہیں، چند برس قبل کراچی کے ایک امیوزمنٹ پارک میں بھی جھولا گرنے سے کچھ افراد جاں بحق ہوئے تھے۔