لندن: جنوبی لندن کے علاقے سوٹن میں گھر میں آگ لگنے سے چار بچے ہلاک ہو گئے ہیں۔
غیر ملکی خبر رساں ادارے کے مطابق برطانیہ کے شہر لندن کے علاقے سوٹن میں گھر میں آگ لگ گئی جس میں جھلس کر 4 بچے دم توڑ گئے ہیں۔
شہر کے فائر کمشنر اینڈی رو کا کہنا ہے کہ فائر بریگیڈ نے جلدی سے پہنچ کر بچوں کو گھر کے اندر تلاش کیا جس کے بعد زخمی بچوں کو اسپتال منتقل کیا گیا لیکن وہ جانبر نہ ہوسکے۔
یہ بھی پڑھیں: آسٹریلیا میں جمپنگ کیسل نے 4 بچوں کی جان لے لی
فائر کمشنر اینڈی رو کا کہنا تھا کہ آگ لگنے کی اطلاع ملتے ہی آٹھ فائرانجن سمیت 60 فائرفائٹرز کو فوری جائے وقوعہ پر بھیج دیا گیا تھا جس کے بعد آگ پر قابو پالیا گیا ہے۔
رپورٹ کے مطابق اینڈی رو نے کہا کہ فائر فائٹر کو جائے وقوعہ پر پہنچ کر پورے گراؤنڈ فلور پر شدید آگ کا سامنا تھا تاہم واقعہ کی تحقیقات کی جارہی ہیں، یہ ایک ایسا واقعہ ہے جس نے سب کو گہرے دکھ کے ساتھ بے حس کردیا ہے۔
دوسری جانب میٹر پولیٹن پولیس کا کہنا ہے کہ سوٹن کے ایک گھر میں آگ لگنے سے ہلاک ہونے والے چاروں بچے آپس میں قریبی رشتہ دار ہیں تاہم ان کے رشتہ داروں کو باخبر کردیا گیا ہے اور انہیں ہر ممکنہ مدد فراہم کی جائے گی۔
یہ بھی پڑھیں: ہر 25 منٹ میں ایک بھارتی خاتون کی خود کشی
واضح رہے کہ آگ لگنے کی وجہ تاحال معلوم نہیں ہوسکی ہے لیکن تحقیقات جاری ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News