امریکا نے طالبان کی افغانستان کے منجمد اثاثوں تک فوری رسائی کا امکان مسترد کردیا

ویب ڈیسک

15th Dec, 2021. 11:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا نے طالبان کی افغانستان کے منجمد اثاثوں تک فوری رسائی کا امکان مسترد کردیا

امریکا نے طالبان کی افغانستان کے منجمد اربوں ڈالر کے اثاثوں تک فوری رسائی کا امکان مسترد کردیا ہے۔

واشنگٹن ڈی سی میں پریس بریفنگ کے دوران وائٹ ہاؤس کی ترجمان جین ساکی نے کہا کہ افغانستان کے 10 ارب ڈالر کے منجمد اثاثوں کی بحالی ایک پیچیدہ عمل ہے، اس حوالے سے امریکا اپنے اتحادیوں اور بین الاقوامی اداروں سے وقتاً فوقتاً گفت و شنید کرتا رہتا ہے۔

جین ساکی نے مزید کہا کہ طالبان کو منجمد اثاثوں تک رسائی نہ ملنے کی کئی وجوہات ہیں۔ 2001 کے حملوں میں ہلاک ہونے والوں کے لواحقین نے عدالتی قانونی چارہ جوئی کر رکھی ہے، جس میں عدالتیں طالبان کے خلاف فیصلے دے سکتی ہیں۔

واضح رہے کہ رواں برس اگست میں طالبان کے ملک پر دوبارہ برسراقتدار آنے کے بعد افغانستان کے 10 ارب ڈالر تک کے اثاثوں کو منجمد کردیا گیا تھا، طالبان کی جانب سے مسلسل یہ مطالبہ کیا جارہا ہے کہ ان اثاثوں کو بحال کیا جائے تاکہ ملک میں حالات معمول کے مطابق چلائے جاسکیں۔

چند روز قبل افغانستان کے لیے قائم ایک خصوصی فنڈ سے 28 کروڑ ڈالر اقوام متحدہ کے عالمی اداروں کو دیئے گئے تھے تاہم افغانستان میں غذائی قلت پر قابو اور صحت کی سہولیات کی فراہمی کو بہتر بنایا جا سکے۔