فرانس کے قومی کمیشن انفارمیشن ٹیکنالوجی اینڈ فریڈم نے انٹرنیٹ کی معروف کمپنیوں گوگل اور فیس بُک پر کُوکیز کے حوالے سے بھاری جرمانے عائد کر دیے۔
فرانسیسی ادارے نیشنل کمیشن فار انفارمیشن ٹیکنالوجی اینڈ فریڈم نے آن لائن کُوکیز کے غلط استعمال پر گوگل اور فیس بُک پر یہ جرمانے عائد کیے ہیں۔
سی این آئی ایل نے آج انٹرنیٹ سرچ انجن گوگل کو 150 ملین یورو ہرجانہ کیا ہے جبکہ 2020ء میں بھی اِسی وجہ سے گوگل پر 100 ملین یورو کا ہرجانہ عائد کیا گیا تھا۔ گوگل کے پاس یو ٹیوب کی ملکیت بھی ہے۔
دوسری جانب فیس بک پر 60 ملین یورو کا ہرجانہ عائد کیا گیا ہے۔
ان دونوں اداروں کو تین ماہ کا وقت دیا گیا ہے کہ وہ یورپی یونین کا وضع کردہ آن لائن کوکیز کے استعمال کا طریقہ اختیار کریں بصورت دیگر انہیں یومیہ ایک لاکھ یورو کا ہرجانہ ادا کرنا پڑے گا۔
کُوکیز ایسے پروگرام ہوتے ہیں جو ویب سائٹ صارف کے سسٹم پر کاپی کرتی ہے اور اس کی بنیاد پر نہ صرف صارف کی آن لائن ایکٹیویٹی پر نظر رکھی جا سکتی ہے بلکہ صارف کو طے شدہ اشتہارات بھی دکھائے جاتے ہیں۔
فیس بک، یو ٹیوب اور گوگل عوام کو اس بات کا انتخاب نہیں دیتے کہ وہ آن لائن کُوکیز کو رَد کرسکیں بلکہ انہیں ہر حال میں اِنہیں قبول کرنا پڑتا ہے۔
فرانسیسی خبر ایجنسی اے ایف پی کے مطابق گوگل نے اس بات کا فیصلہ کیا ہے کہ وہ فرانسیسی کمیشن کے ہدایات کے مطابق کوکیز کا آپشن منتخب کرنے کا طریقہ کار تبدیل کردے گا۔ کمپنی کا مزید کہنا ہے کہ انٹرنیٹ صارفین کی توقعات کے مطابق نئی تبدیلیاں کی جائیں گی اور وہ سی این آئی ایل کے ساتھ مکمل تعاون کرنے کے لیے تیار ہے۔
یورپی یونین میں صارفین کی پرائیویسی کے حوالے سے موجود قوانین کے مطابق انٹرنیٹ سے وابستہ ادارے اپنے صارفین کو ان کوکیز کے بارے میں مکمل آگاہی دینے کے پابند ہیں اور اِس کے استعمال کے لیے صارف کی اجازت ضروری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News