کویت میں موسلا دھار بارشوں نے نظامِ زندگی کو معطل کرکے رکھ دیا

ویب ڈیسک

03rd Jan, 2022. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کویت میں موسلا دھار بارشوں نے نظامِ زندگی کو معطل کرکے رکھ دیا

کویت میں ہونے والی شدید بارشوں کے نتیجے میں روزہ مرہ کے معمولات مفلوج ہو کر رہ گئے ہیں اور ملک بھر میں تعلیمی سرگرمیوں کو معطل کر دیا گیا ہے۔

ہفتے کے اختتام پر کویت میں شدید بارش ہوئی۔ ملک کے متعدد علاقوں میں سڑکیں زیرِ آب آ گئیں، آمد و رفت میں خلل پیدا ہوگیا اور کئی گاڑیاں بھی پانی میں پھنس گئیں۔

کویتی محکمہ موسمیات کی جانب سے جاری بیان کے مطابق کویت کے بعض علاقوں میں گرج چمک کے ساتھ بارش ہوئی اور 50 کلومیٹر فی گھنٹہ کی رفتار سے آندھی آنے کا امکان ہے۔

ملک میں سیلاب کی تباہ کاریوں کے خدشے سے کویت کی وزارتِ داخلہ نے عوام کو خبردار کیا ہے کہ وہ انتہائی ضرورت کے تحت ہی اپنے گھروں سے باہر نکلیں ورنہ گھروں میں رہنے میں ہی عافیت ہے۔

وزارتِ قومی تعلیم نے اعلان کیا ہے کہ ملک بھر میں موسلادھار بارشوں کی وجہ سے تمام اسکولوں اور یونیورسٹیوں میں تعلیمی سرگرمیاں معطل کر دی گئی ہیں۔

وزارتِ قومی تعلیم کی جانب سے بتایا گیا ہے کہ سیکنڈری اور ہائی اسکولوں میں آج ہونے والے تمام امتحانات ملتوی کر دیے گئے ہیں اور اسکولوں کو امتحانات کے انعقاد کے لیے کی نئی تاریخوں کا اعلان کرنے کی ہدایات جاری کر دی گئی ہیں۔