شمالی کوریا کے صدر کِم جونگ اُن نے روس کے اپنے وقار کے دفاع کی کوششوں کی ایک بار پھر حمایت کی ہے۔

انہوں نے مشتعل قوتوں کے خلاف روسی کاوشوں کی حمایت کا اظہار روسی صدر ولادی میر پیوڈن کو سوویت یونین کے نازی جرمنی کو شکست دینے کی سالگرہ کے موقع پرایک مبارکباد کے پیغام میں دیا۔

شمالی کوریا کے سرکاری میڈیا کے مطابق پیر کے روز جاری ایک پیغام میں کِم  نے روس کی ’فسطائیت کو ختم کرنے کے لیے انصاف کی عظیم جنگ‘ میں فتح کو سراہا اور اس امید کا اظہار کیا کہ دونوں ممالک کے درمیان اسٹریٹیجک اور دوستی کے روایتی تعلقات مزید گہرے ہوں گے۔

کورین سینٹرل نیوز ایجنسی کی رپورٹ میں روس کی یوکرین میں جنگ کا خصوصی تذکرہ نہیں ملا۔

لیکن رپورٹ میں یہ کہا گیا کہ کِم نے شمالی کوریا کی روس کے ساتھ اس کی جانب سے سیاسی اور عسکری خطرات کو ختم کرنے کے لیے کی جانے والی مہم پر یکجہتی کی تصدیق کی۔

شمالی کوریا نے کئی بار یوکرین میں جاری بحران کا ذمہ دار امریکا کو ٹھہرایا ہے۔

شمالی کوریا کے مطابق امریکا کی رہنمائی میں مغرب کی بالادستی کی پالیسی عالمی امن اور استحکام کے لیے خطرناک ہے۔