متحدہ عرب امارات میں محکمہ موسمیات نے ایک بار پھر بارشوں کے حوالے سے خطرے کی گھنٹی بجا دی ہے۔
تفصیلات کے مطابق متحدہ عرب امارات کے محکمہ موسمیات کا کہنا ہے کہ ریاست میں بدھ کی شام سے جمعرات تک شدید اور غیر معمولی بارشیں ہو سکتی ہیں۔
محکمہ موسمیات کے ترجمان کے مطابق اس غیر معمولی سسٹم کی وجہ بحیرہ احمر سے سطحی کم دباؤ کی توسیع کی وجہ سے ہے جو متحدہ عرب امارات کو متاثر کر سکتا ہے۔
ترجمان کا کہنا ہے کہ جنوب مشرق سے آنے والی مرطوب ہوائیں بھی ریاستی موسم پر اثر انداز ہو سکتی ہیں جس کی وجہ سے مختلف علاقوں میں ممکنہ طور پر تیز بارشوں کا امکان ہے۔
رپورٹس کے مطابق ابھی تک متحدہ عرب امارات کی حکومت نے محکمہ موسمیات کی پیش گوئی کے باوجود کوئی الرٹ جاری نہیں کیا ہے، یاد رہے کہ دو ہفتے قبل بھی ریاست میں شدید اور غیرمعمولی بارشوں نے تباہی مچا دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News