جدہ ایئر پورٹ پر بے تحاشا رش کی صورتحال کے باعث متعدد پروازیں تاخیر کا شکار ہوگئیں۔

تفصیلات کے مطابق سعودی عرب کے جدہ ایئر پورٹ پر بے تحاشا رش کی صورتحال کے باعث  جدہ سے روانہ ہونے والی تمام ائیرلائنز کی پروازیں طویل تاخیر کا شکار ہوگئی ہیں۔

ذرائع کے مطابق رش ایئرپورٹ حکام کی جانب سے پروازیں شمالی ٹرمینل پر منتقل کرنے کی وجہ سے پیدا ہوا۔ رش کی صورتحال کے باعث تمام بین الاقوامی ایئرلائنز کو مسافروں کی چیک ان میں مشکلات پیش آرہی  ہیں۔

شمالی ٹرمینل پر صرف 4 بورڈنگ گیٹ دستیاب ہیں اور پروازوں کی تعداد بہت زیادہ ہے۔ اسی مناسبت سے آج شب کی پروازوں میں ممکنہ تاخیر متوقع ہے۔

اس حوالے سے پاکستان انٹرنیشنل ایئرلائن (پی آئی اے) انتظامیہ نے ہدایات جاری کردی ہیں کہ مہمانوں کو تمام ممکنہ سہولیات فراہم کی جائیں۔

ترجمان پی آئی اے  کا کہنا ہے کہ جدہ میں موجود عہدیداران  سعودی حکام سے مسلسل رابطے میں ہیں۔ پی آئی اے کے مقامی ٹیمیں ایئرپورٹ حکام کا تعاون حاصل کرکے پروازوں کی تاخیر کو کم از کم کرنے کے انتظامات کررہی ہیں ۔

Massive congestion at #Jeddah Airport is causing extraordinary delays in the flights of all the airlines. People are struggling to reach the check-in counters. #PIA flights might also get affected. CEO PIA is touch with VP GACA for facilitation & convenience of our valued guests

— PIA (@Official_PIA) May 3, 2022

ترجمان پی آئی اے کے مطابق   سی ای او پی آئی اے صورتحال کی ذاتی حیثیت میں مانیٹرنگ کررہے ہیں۔ وفاقی وزیر ہوابازی خواجہ سعد رفیق بھی صورتحال کا لمحہ بہ لمحہ جائزہ لے رہے ہیں تاکہ پاکستانی مسافروں کو کم از کم زحمت ہو۔