جرمنی کے شہر میں دنیا کا سب سے بڑا ایکوریم پھٹ گیا ہے جس کی وجہ سے سیکڑوں نایاب مچھلیاں ہلاک ہوگئی ہیں جب کہ امدادی ٹیموں نےمتعدد کو ریسکیو کرلیا ہے۔
غیر ملکی خبر رساں ادارے کے مطابق جرمنی کے شہر برلن میں واقع ریڈیسن بلو کی لابی میں ایک ملین لیٹر پانی پر مشتمل ایک دیوہیکل ایکوریم پھٹ گیا ہے جس سے ہوٹل اور آس پاس کی گلیوں میں پانی بھر گیا۔
رپورٹ کے مطابق 52 فٹ اونچے ایکوریم میں مختلف اقسام کی 1500 مچھلیاں موجود تھیں جن میں سیکڑوں نایاب مچھلیاں ہلاک ہوگئیں ہیں۔
سو سے زائد نایاب مچھلیاں آکسیجن کی کمی اورسردی کی وجہ سے ہلاک ہوئیں جب کہ مختلف مقامات پر پانی جمع ہونے کی وجہ سے متعدد مچھلیاں زندہ پائی گئیں ہیں۔
یہ بھی پڑھیں: دنیا کا سب سے بڑا ایکوریم عوام کیلئےکھول دیا گیا
امدادی ٹیموں نے ریسکیو کرکے بچنے والی مچھلیوں کو دوسرے ایکوریم میں منتقل کردیا ہے جب کہ دھماکے کے بعد شیشہ گرنے سے دو افراد زخمی ہوگئے ہیں۔
واضح رہے کہ برلن کے ہوٹل میں ایکوریم سن 2003 میں تعمیر کیا گیا تھا جب کہ دیوقامت ہونے کی وجہ سے اس ایکوریم کو گینز بک آف ورلڈ ریکارڈ میں بھی شامل کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News