امریکہ میں برفانی طوفان سے جنگلی حیات کی زندگی بھی خطرے میں پڑگئی

ویب ڈیسک

28th Dec, 2022. 03:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ میں برفانی طوفان سے جنگلی حیات کی زندگی بھی خطرے میں پڑگئی

امریکہ میں برفانی طوفان سے جنگلی حیات کی زندگی بھی خطرے میں پڑگئی ہے۔

بین الاقوامی خبر رساں ادارے کے مطابق امریکہ کے جنگلی حیات کے افسران کا کہنا ہے کہ ہولناک سردی اور برفباری سے جنگلی حیات سخت مشکل میں ہیں۔

جنگلی حیات کے افسران کا کہنا ہے کہ ہیوسٹن میں سیکڑوں چمگادڑیں درخت سے نیچے گرکر فوری طور پر موت کا شکار ہوچکی ہیں۔

ان کا کہنا ہے کہ درجہ حرارت میں اچانک تبدیلی سے بالخصوص چمگادڑوں کو یکلخت سردی کا دورہ (ہائپوتھرمک شاک) پڑا ہے جس سے ان کی فوری اموات ہوئی ہیں۔یہی وجہ ہے کہ شہر میں چمگا دڑوں کی سب سے بڑی کالونی کی بقاء کو خطرات لاحق ہیں۔

اس کے علاوہ چھپکلی بھی امریکہ کی شدید سردی برداشت نہیں کر سکتی ہے ۔ فلوریڈا میں چھپکلیاں درخت سے زمین پر آگئیں۔

اگوانس نسل کی چھپکلی شدید سردی میں حرکت کرنے سے قاصر ہو جاتی ہے تاہم درجہ حرارت میں بہتری کے بعد یہ دوبارہ چلنے کے قابل ہو جائیں گی۔

واضح رہے کہ امریکہ میں برفانی طوفان نے تباہی مچادی ہے، شدیدسردی سے نظام زندگی بری طرح متاثر ہوگیا۔

امریکی حکام نے شہریوں کو خبردار کیا ہے کہ وہ گھروں سے باہر نہ نکلیں، اگر پانچ منٹ بھی گھر سے باہررہے تو فراسٹ بائیٹ ہوسکتا ہے۔