امریکیوں کیلئے ناشتے میں انڈے کھانامشکل ہو گیا؟ کیوں ، جانئیے

ویب ڈیسک

17th Feb, 2023. 11:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکیوں کیلئے ناشتے میں انڈے کھانامشکل ہو گیا؟ کیوں ، جانئیے

سُپر فوڈ میں شمار کیے جانے والے انڈے کو ایک مکمل غذا قرار دیا جاتا ہے یہی وجہ ہے کہ دنیا بھر میں اسے صبح ناشتے میں کھایا جا تاہے۔

لیکن امریکیوں کیلئے بُری خبر یہ ہے کہ وہ اب انڈے کھانے کیلئے ترس رہے ہیں ، جس کی اہم وجہ مہنگائی ہے۔

سوشل میڈیا رپورٹس کے مطابق امریکا میں مہنگائی کا یہ عالم ہے کہ ایک درجن انڈوں کی قیمت ایک پاؤنڈ گوشت کی قیمت سے زیادہ ہو گئی ہے، جس کی وجہ سے امریکیوں کے لیے ناشتہ کرنا بھی مشکل ہو گیا ہے۔

امریکا میں 1980 میں بیورو آف لیبر ڈیٹا کے آغاز کے بعد سے یہ پہلی بار ہے کہ 12 انڈوں کی قیمت ایک پاؤنڈ گائے کے گوشت کی قیمت سے زیادہ ہو گئی ہے۔

امریکا میں زیادہ پیداواری لاگت کی وجہ سے جنوری میں بڑے گریڈ اے انڈوں کے ایک درجن کی قیمت ریکارڈ 4.82 ڈالر (1278 پاکستانی روپے) تک پہنچ گئی ہے، جو کہ ایک سال پہلے 2 ڈالر سے بھی کم تھی۔

یہ بھی پڑھیں: انڈے کھانے سے کن خطرناک بیماریوں سے بچا جاسکتا ہے؟ نئی تحقیق سامنے آگئی

دوسری طرف امریکا میں ایک پاؤنڈ بیف کی قیمت 4.64 ڈالر ہے جو گزشتہ برس 5.12 ڈالر تھی۔

واضح رہےکہ پچھلے ایک سال کے دوران انڈوں کی قیمت اس قدر بڑھ گئی ہے کہ اب امریکی انھیں میکسیکو کی سرحد کے پار اسمگل کرنے کا سہارا لے رہے ہیں۔