بھارت: انتہا پسند ہندوؤں نے ایک اور بے گناہ مسلمان کو قتل کردیا

ویب ڈیسک

11th Mar, 2023. 04:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت: انتہا پسند ہندوؤں نے ایک اور بے گناہ مسلمان کو قتل کردیا

بھارت میں انتہا پسند ہندو جماعت کے کارندوں نے گائے کا گوشت لے جانے کے شُبے میں ایک مسلمان کو راڈوں اور ڈنڈوں سے مار مار کر قتل اور ایک کو زخمی کردیا۔

بھارتی میڈیا کی رپورٹ کے مطابق ریاست بہار میں 56 سالہ شخص نسیم قریشی کو جنونی ہندوؤں کے جتھے نے تعاقب کرکے بہیمانہ تشدد کا نشانہ بنایا۔

یہ بھی پڑھیں: انتہا پسند مُودی سرکار جمہوری اقدار اور صحافت کا بد ترین دُشمن

نسیم قریشی رحم کی اپیلیں کرتا رہا لیکن سخت دل ہجوم کو رحم نہ آیا۔

عینی شاہدین کے مطابق نسیم اپنے بھتیجے کے ساتھ تھا جب انتہا پسند ہندوؤں نے ان پر حملہ کیا۔ حملہ آوروں نے الزام عائد کیا کہ ان کے پاس گائے کا گوشت اور ذبح کرنے والے اوزار ہیں ۔

نسیم اور اس کے بھتیجے نے جتھے کے چنگل سے نکلنے کی کوشش کی اور کامیاب بھی ہوگئے لیکن جتھے نے تعاقب کے بعد انہیں پھر پکڑ لیا اور مار مار کے ادھ موا کردیا۔

یہ بھی پڑھیں: چیٹ جی پی ٹی نےمودی کو ’متنازع شخصیت ‘ قرار دیدیا

جب نسیم قریشی اور ان کا بھتیجا خون میں نہا گئے تو جتھے نے انہیں پولیس کے حوالے کردیا۔