بھارت میں ٹماٹروں کی قلت کے باعث کسان کروڑ پتی بن گئے

ویب ڈیسک

15th Jul, 2023. 03:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں ٹماٹروں کی قلت کے باعث کسان کروڑ پتی بن گئے

بھارت میں ان دنوں ٹماٹرں کی شدید قلت ہے جس کا فائدہ اٹھاتے ہوئے کسان کروڑ پتی بن گئے ہیں۔

بھارتی میڈیا کے مطابق ملک میں ٹماٹروں کی قلت جاری ہے اور جو مل رہا ہے وہ انتہائی مہنگے داموں فروخت ہورہا ہے۔

ایسی صورت حال میں بھارتی ریاست مہاراشٹرا کے ضلع پونے میں ایک کسان راتوں رات کروڑ پتی بن گیا ہے۔

رپورٹ کے مطابق کسان تکارام بھگوجی گیاکر نے ٹماٹر کاشت کیے تھے اور جب اس کی فصل تیار ہوئی تو ملک میں ٹماٹروں کی شدید قلت تھی جس کا انہوں نے خوب فائدہ اٹھایا۔

تکارام بھگوجی گیاکر نے بڑی ذہانت کے ساتھ اپنے ٹماٹر فروخت کیے اور تقریباً 13 ہزار کریٹ 2 کروڑ روپے میں فروخت کر ڈالے۔

یہ بھی پڑھیں: بھارت میں ٹماٹر کی اونچی اڑان: سالگرہ میں تحفے کے طور پر دیے جانے لگے

علاوہ ازیں پونے کے شہر جنر میں بھی کئی ایسے کسان سامنے آئے ہیں جنہوں نے ٹماٹر فروخت کرکے کروڑوں روپے کمائے ہیں۔

بھارتی میڈیا کا کہنا ہے کہ ایک ماہ کے دوران بھارت کے صرف اس علاقے میں 80 کروڑ روپے کے ٹماٹر فروخت ہوئے ہیں جب کہ 100 سے زائد خواتین کو روزگار کے مواقع بھی ملے ہیں۔

دوسری جانب بھارتی ریاست کرناٹک میں کاشتکار خاندان کی قسمت بھی راتوں رات چمک اٹھی اور انہوں نے ٹماٹروں کے 2 ہزار کریٹ فروخت کرکے ایک دن میں 80 لاکھ روپے کمائے۔