توہینِ قرآن؛عراق نے ملعون کی گرفتاری کے لیے انٹرپول سے رابطہ کرلیا

ویب ڈیسک

07th Jul, 2023. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توہینِ قرآن؛عراق نے ملعون کی گرفتاری کے لیے انٹرپول سے رابطہ کرلیا

عراق نے سوئیڈن میں توہینِ قرآن کرنے والے شخص کی گرفتاری کے لیے انٹرپول سے رابطہ کرلیا ہے۔

غیر ملکی میڈیا رپورٹس کے مطابق عراق کی سپریم جوڈیشل کونسل کا ایک بیان میں کہنا ہے کہ سوئیڈن میں قرآن پاک کی بے حرمتی کرنے والے شخص کی گرفتاری کے لیے خصوصی وارنٹ جاری کردیے گئے ہیں۔

رپورٹ کے مطابق خصوصی وارنٹ عراقی پراسیکیوٹر جنرل کی جانب سے جاری کیے گئے ہیں جب کہ وارنٹ گرفتاری انٹرپول کو بھی بھیج دیے گئے ہیں۔

واضح رہے کہ سوئیڈن میں پناہ گزین 37 سالہ عراقی نژاد ملعون شخص سلوان مومیکا نے 28 جون کو اسٹاک ہوم میں ایک مسجد کے باہر قرآن پاک نذر آتش کرنے کی مذموم کوشش کی تھی۔

اس واقعہ کے بعد دنیا بھر میں موجود مسلمانوں میں شدید غصہ پایا جارہا ہے جب کہ پاکستان میں کئی مقامات پر آج احتجاجی ریلیاں ریلیاں نکالی جارہی ہیں۔

وزیر اعظم شہباز شریف کی ہدایت پر آج ملک بھر میں یومِ تقدسِ قرآن منایا جارہا ہے جب کہ اس موقع پر سرکاری و غیر سرکاری سطح پر سوئیڈن میں ملعون شخص کے ہاتھوں قرآن پاک نذر آتش کیے جانے کے واقعے کی شدید مذمت کی جارہی ہے۔