عراق نے سوئیڈن میں توہینِ قرآن کرنے والے شخص کی گرفتاری کے لیے انٹرپول سے رابطہ کرلیا ہے۔
غیر ملکی میڈیا رپورٹس کے مطابق عراق کی سپریم جوڈیشل کونسل کا ایک بیان میں کہنا ہے کہ سوئیڈن میں قرآن پاک کی بے حرمتی کرنے والے شخص کی گرفتاری کے لیے خصوصی وارنٹ جاری کردیے گئے ہیں۔
رپورٹ کے مطابق خصوصی وارنٹ عراقی پراسیکیوٹر جنرل کی جانب سے جاری کیے گئے ہیں جب کہ وارنٹ گرفتاری انٹرپول کو بھی بھیج دیے گئے ہیں۔
واضح رہے کہ سوئیڈن میں پناہ گزین 37 سالہ عراقی نژاد ملعون شخص سلوان مومیکا نے 28 جون کو اسٹاک ہوم میں ایک مسجد کے باہر قرآن پاک نذر آتش کرنے کی مذموم کوشش کی تھی۔
اس واقعہ کے بعد دنیا بھر میں موجود مسلمانوں میں شدید غصہ پایا جارہا ہے جب کہ پاکستان میں کئی مقامات پر آج احتجاجی ریلیاں ریلیاں نکالی جارہی ہیں۔
Advertisement
وزیر اعظم شہباز شریف کی ہدایت پر آج ملک بھر میں یومِ تقدسِ قرآن منایا جارہا ہے جب کہ اس موقع پر سرکاری و غیر سرکاری سطح پر سوئیڈن میں ملعون شخص کے ہاتھوں قرآن پاک نذر آتش کیے جانے کے واقعے کی شدید مذمت کی جارہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
