اسپین میں اوورسیز کمیونٹی کا ای یو پاک فرینڈ شپ فیڈریشن اسپین کے زیر اہتمام افواج پاکستان زندہ باد ریلی کا اہتمام کیا گیا۔
تفصیلات کے مطابق افواج پاکستان سے والہانہ محبت کا اظہار کرتے ہوئے اسپین میں پاکستانی کمیونٹی نے ای یو پاک فرینڈ شپ فیڈریشن کے زیر اہتمام افواج پاکستان زندہ باد ریلی نکالی گئی۔
ریلی میں بچوں خواتین اور جوانوں کی بڑی تعداد نے شرکت کی، شرکاء ریلی آرمی چیف عاصم منیر زندہ باد تیرا ضمیر میرا ضمیر عاصم منیر ،پاکستان زندہ باد کے فلک شگاف نعرے بلند کرتے رہے۔
ریلی کے شرکاء نے ہاتھوں میں پاکستان کا سبز ہلالی پرچم اور آرمی چیف عاصم منیر کی بڑی تصاویر اٹھا رکھی تھیں
اس موقع پر چئیرمین ای یو پاک فرینڈ شپ فیڈریشن چوہدری پرویز اقبال لوسر نے اپنے خطاب میں کہا کہ ایک سال میں آرمی چیف عاصم منیر نے پاکستان کی معشیت کو مضبوط کرنے میں اہم کردار ادا کیا ہے اور ملک دشمنوں کو نکیل ڈالی ہے۔
چوہدری پرویز اقبال نے کہا کہ اوورسیز پاکستانی اپنے آرمی چیف اور افواج پاکستان کے ساتھ ہیں اور میں آرمی چیف سے درخواست کروں گا کہ وہ اسلام آباد میں اوورسیزسرمایہ کاری کانفرنس کا انعقاد کریں۔
چوہدری پرویز اقبال کا کہنا تھا کہ اوورسیز پاکستانی اپنے وطن عزیز میں سرمایہ کاری کرنا چاہتے ہیں اور ملک کی مضبوطی چاہتے ہیں۔
چوہدری پرویز اقبال نے مطالبہ کیا کہ جس طرح پاکستان استحکام کی راہ پر چل نکلا ہے اوورسیز پاکستانی مطالبہ کرتے ہیں کہ مزید دو سال تک عاصم منیر ملکی معاملات کو آگے بڑھائیں.ا
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News