برطانیہ میں آندھی اور طوفان سے نظام زندگی درہم برہم

ویب ڈیسک

03rd Jan, 2024. 03:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں آندھی اور طوفان سے نظام زندگی درہم برہم

لندن: برطانیہ میں طوفان ہینک کے باعث ایک خاتون ہلاک اور ٹریفک کا نظام شدید متاثر ہوگیا۔

غیر ملکی خبر رساں ادارے کے مطابق برطانیہ میں طوفان ہینک کے باعث مختلف علاقوں میں بارش کے بعد آندھی آگئی۔

آندھی کی وجہ سے مختلف علاقوں میں درخت گرنے سے خاتون ہلاک اور ٹریفک کا نظام شدید متاثر ہوا، طوفان کے پیش نظر لندن آئی بند کو لوگوں کے لئے بند کردیا گیا جب کہ بس اور ٹیوب ٹرین کا نظام بھی شدید متاثر رہا۔

رپورٹ کے مطابق بدھ کی صبح انگلینڈ اور ویلز میں سیلاب کی 300 سے زائد وارننگز بھی جاری کی گئیں جب کہ 10 ہزار گھر بجلی سے محروم ہوگئے۔

ریلوے حکام کے مطابق خراب تاروں کی مرمت کا کام جاری ہے جس کے باعث خدمات تاخیر کا شکار ہیں۔

نیشنل ہائی وے حکام کا کہنا ہے کہ انگلینڈ میں کئی بڑی سڑکیں بند ہیں اور کئی گھنٹوں تک سڑکیں بند رہنے کا امکان ہے۔

لیسٹر شائر پولیس حکام کا کہنا تھا کہ سیلاب سے بڑی تعداد میں گھر متاثر ہورہے ہیں جس کی وجہ سے کئی سڑکوں کو بند کردیا گیا ہے۔