مسائل کے حل کیلئے حکومت پاکستان کے ساتھ مل کر کام کرتے رہیں گے، میتھیو ملر

ویب ڈیسک

17th Sep, 2024. 10:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسائل کے حل کیلئے حکومت پاکستان کے ساتھ مل کر کام کرتے رہیں گے، میتھیو ملر

امریکی محکمہ خارجہ کے ترجمان میتھیو ملر کا کہنا ہے کہ تمام مسائل کے حل کیلئے حکومت پاکستان کے ساتھ مل کر کام کرتے رہیں گے۔

ترجمان امریکی محکمہ خارجہ میتھیوملر نے واشنگٹن میں پریس کانفرنس کے دوران امریکی قائم مقام نائب وزیرخارجہ برائےسیاسی امورجان باس کےدورہ پاکستان پر سوال کے جواب میں کہا کہ انہوں نے دورہ پاکستان میں ملاقاتوں کے دوران معیشت اور سلامتی امورپرگفتگوکی۔

امریکی محکمہ خارجہ کے ترجمان نے کہا کہ جان باس نےدہشتگردی ،پرتشدد انتہا پسندی کا مقابلہ کرنے ، اقتصادی اور سلامتی امور پر دوطرفہ تعاون کو وسعت دینےپربات کی۔

میتھیو ملر نے کہا کہ ملاقاتوں میں علاقائی استحکام اورخوشحالی کی اہمیت پرتبادلہ خیال کیاگیا۔جان باس نے امریکہ میں افغانوں کی آبادکاری میں مددکرنےپرپاکستان کےتعاون پرشکریہ اداکیا۔

انہوں نے کہا کہ تمام مسائل کےحل کیلئےحکومت پاکستان کےساتھ مل کرکام کرتےرہیں گے۔

غزہ سے متعلق ترجمان امریکی محکمہ خارجہ کا کہنا تھا کہ جنگ بندی کی نئی پیشکش پرکام جاری ہے، ہماری کوشش ہے پیشکش فریقین کیلئے قابل قبول ہو۔

میتھیو ملر نے کہا کہ پیشکش کب سامنےآئےگی اس کی کوئی ڈیڈلائن نہیں دےسکتے۔اسرائیل اورحزب اللہ کےتنازع کاسفارتی حل ہی صحیح راستہ ہے۔