ٹرمپ کی خواہش ادھوری رہ گئی؛ نوبیل انعام ماریہ کورینہ کے نام

ویب ڈیسک

10th Oct, 2025. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرمپ کی خواہش ادھوری رہ گئی؛ نوبیل انعام ماریہ کورینہ کے نام

نوبیل امن انعام 2025 وینزویلا کی سیاسی رہنما ماریہ کورینہ کے نام رہا، جمہوریت کے فروغ اور انسانی حقوق کے لیے ان کی جدوجہد کے اعتراف میں یہ عالمی اعزاز دیا گیا۔

نوبیل امن انعام کے اعلان کی تقریب ناروے کے دارالحکومت اوسلو میں منعقد ہوئی، جہاں نوبیل کمیٹی نے رواں سال کے انعام یافتہ کا باضابطہ اعلان کیا۔

نوبیل کمیٹی کے مطابق ماریہ کورینہ نے وینزویلا میں جمہوری اقدار، عوامی آزادیوں اور انسانی وقار کے لیے نمایاں جدوجہد کی، ان کی کوششوں نے نہ صرف وینزویلا بلکہ پورے لاطینی امریکا میں جمہوریت کے فروغ کی تحریک کو تقویت دی۔

کمیٹی نے بتایا کہ رواں سال نوبیل امن انعام کے لیے 338 نامزدگیاں موصول ہوئیں، جن میں معروف عالمی شخصیات بشمول سابق امریکی صدر ڈونلڈ ٹرمپ کے نام بھی شامل تھے۔

مزید پڑھیں: کیا ٹرمپ امن کے نوبیل انعام جیت پائیں گے؟ اعلان آج متوقع

اعزاز یافتہ ماریہ کورینہ کو نوبیل امن انعام 10 دسمبر کو اوسلو میں باضابطہ تقریب کے دوران دیا جائے گا۔

واضح رہے کہ نوبیل امن انعام دنیا بھر میں امن، انسانی حقوق اور ہم آہنگی کے فروغ کے لیے دیا جاتا ہے، یہ ایوارڈ سویڈن کے سائنس دان الفریڈ نوبیل کی وصیت کے مطابق 1901 سے ہر سال 10 دسمبر کو ان کی برسی کے موقع پر پیش کیا جاتا ہے۔