پاکستان زندہ باد کا نعرہ لگانے پربھارتی نوجوان جان سے گیا، پرہجوم بھارتی بلوائیوں نے نوجوان کولاتوں، گھوسوں اور ڈنڈوں سے تشدد کرکے ہلاک کردیا۔
نوجوان نے بھارتی ریاست کرناٹکا کے شہر منگلورو میں ایک کرکٹ میچ کے دوران مبینہ طور پر پاکستان زندہ بادکا نعرہ لگایا تھا جس پر بھارتی انتہا پسند بلوائیوں نے تشدد کرکے نوجوان کی جان ہی لے لی۔
بھارتی میڈیا کے مطابق منگلورو میں کرکٹ ٹورنامنٹ جاری تھا جس میں 10 ٹیمیں شریک تھیں، اس دوران ایک نوجوان نے پاکستان زندہ باد کا نعرہ لگایا جس پر وہاں لوگ مشتعل ہوگئے۔
بھارتی میڈیا نے بتایا کہ نوجوان کو شدید زخمی حالت میں اسپتال لایا گیا تاہم وہ زخموں کی تاب نہ لاتے ہوئے چل بسا۔
واقعے کے بعد پولیس نے 10 سے زائد افراد کو گرفتار کرلیا، واقعے کی مزید تحقیقات کی جا رہی ہے۔
