واشنگٹن: امریکا میں بلیک فرائیڈے کے موقع پر آن لائن خریداری 11.8 ارب ڈالر تک پہنچ گئی، جس میں مصنوعی ذہانت (AI) پر مبنی شاپنگ ٹولز نے نمایاں کردار ادا کیا۔

ایڈوبی اینالیٹکس کے مطابق امریکی صارفین نے 11.8 ارب ڈالر کی آن لائن خریداری کی، جو گزشتہ سال کے مقابلے میں 9.1 فیصد زیادہ ہے۔

امریکی میڈیا کے مطابق خریدار مصروف مالز سے بچتے ہوئے قیمتوں کا موازنہ کرنے اور ڈسکاؤنٹ تلاش کرنے کے لیے AI چیٹ بوٹس اور خودکار شاپنگ ٹولز کا زیادہ استعمال کر رہے ہیں۔

مزید پڑھیں: مودی سرکار کے خلاف سراپا احتجاج بھارتی کسان آج بلیک فرائیڈے منا رہے ہیں

اعداد و شمار کے مطابق یہ خریداری ایسے وقت میں بڑھی ہے جب صارفین کے بجٹ محدود ہیں، بے روزگاری چار سال کی بلند ترین سطح کے قریب ہے اور صارفین کا اعتماد سات ماہ کی کم ترین سطح پر ہے، لیکن پھر بھی لوگ ہر ڈالر احتیاط سے خرچ کرتے ہوئے بہتر آن لائن ڈیلز تلاش کر رہے ہیں۔

ماسٹرکارڈ اسپینڈنگ پلس کے مطابق تعطیلات کے سیزن میں صارفین نے ہوشیاری دکھاتے ہوئے آن لائن خریداری کو ترجیح دی، جس سے طلب میں 10 فیصد سے زائد اضافہ ریکارڈ کیا گیا۔